جاڭا كودەكستىڭ جوباسى پاتسيەنتتىڭ قاجەتتىلىگىنە باعىتتالادى

ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قر پرەزيدەنتىنىڭ قازاقستان حالقىنا جولداۋىن ىسكە اسىرۋ شەڭبەرىندە قر دەنساۋلىق ساقتاۋ مينيسترلىگى جىلدىڭ باسىنان باستاپ «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ كودەكسى جوباسىنىڭ جاڭا رەداكتسياسىن ازىرلەۋدى باستادى. زاڭ جوباسىن قابىلداۋ مەنشىكتى جانە حالىقارالىق تاجىريبەنىڭ ۇزدىك ۇلگىلەرىنە نەگىزدەلگەن دەنساۋلىق ساقتاۋدىڭ ۇزاق مەرزىمدى, ءتيىمدى جانە تۇراقتى مودەلىن ازىرلەۋگە جانە ەنگىزۋگە باعىتتالعان, ول مەديتسينالىق قىزمەتتەردىڭ قولجەتىمدىلىگى مەن ساپاسىن قامتاماسىز ەتەتىن بولادى», - دەپ مالىمدەدى ۆيتسە-مينيستر.

الەكسەيا تسويدىڭ ايتۋىنشا, زاڭ جوباسىنىڭ ماقساتى دەنساۋلىق ساقتاۋ جۇيەسىندەگى قولدانىستاعى زاڭنامانى جەتىلدىرۋ جانە دامىتۋ, قوعامدىق دەنساۋلىق ساقتاۋ جۇيەسىن دامىتۋ, قر-عى مەديتسينالىق ءبىلىم بەرۋ مەن عىلىمدى, ەلەكتروندىق دەنساۋلىق ساقتاۋدى جەتىلدىرۋ, مەديتسينالىق كومەك كورسەتۋدىڭ ساپاسى مەن تيىمدىلىگىن قامتاماسىز ەتۋ, سونداي-اق دەنساۋلىق ساقتاۋ جۇيەسىندەگى قولدانىستاعى زاڭنامانى جەتىلدىرۋ بولىپ تابىلادى.

«زاڭ جوباسىن دەنساۋلىق ساقتاۋ جۇيەسىنىڭ ستراتەگيالىق باعىتتارىن جەتىلدىرۋ مەن دامىتۋعا باعىتتالعان بىرنەشە نەگىزگى بلوكتارعا شارتتى تۇردە بولۋگە بولادى:

1) بۇل قوعامدىق دەنساۋلىقتى ساقتاۋدى دامىتۋ;

2) مەديتسينالىق كومەك كورسەتۋ جۇيەسىن جەتىلدىرۋ;

3) دەنساۋلىق ساقتاۋ سالاسىنداعى ءبىلىم بەرۋ مەن عىلىم قىزمەتىن جەتىلدىرۋ;

4) فارماتسەۆتيكالىق قىزمەت جانە ءدارى-دارمەك اينالىمى سالاسىندا جاسۋشالىق بيوتەحنولوگيالار سالاسىنداعى قىزمەتتىڭ قۇقىقتىق نەگىزدەمەلەرى بەرىلەتىن بولادى;

5) اعىمداعى جىلى ينتەروپەرابيلدىلىك پلاتفورماسىن ىسكە قوسۋ جوسپارلانىپ وتىر, ول بارلىق مەديتسينالىق اقپاراتتىق جۇيەنى كەزەڭ-كەزەڭىمەن ينتەگراتسيالاۋعا جانە حالىقتىڭ ەلەكتروندىق دەنساۋلىق ساقتاۋ پاسپورتتارىنىڭ بىرىڭعاي بانكىسىن ىسكە قوسۋعا مۇمكىندىك بەرەدى;

6) جەرگىلىكتى اتقارۋشى ورگانداردىڭ ءبىرىشى كەزەكتە حالىققا امبۋلاتورلىق-ەمحانالىق كومەك كورسەتۋدىڭ ءتيىمدى ۇيىمداستىرىلۋىن قامتاماسىز ەتۋ ءۇشىن جاۋاپكەرشىلىگىن كۇشەيتۋ جوسپارلانۋدا;

7) مەديتسينالىق كادرلاردىڭ تاپشىلىعىن تومەندەتۋ ماقساتىندا جەرگىلىكتى جەرلەردە 2019 جىلدان باستاپ مەملەكەتتىك گرانت بويىنشا وقىعان بىتىرۋشىلەردىڭ وڭىرلەردەگى مىندەتتى ءۇش جىلدىق جۇمىسپەن وتەۋى ەنگىزىلەتىن بولادى. دەنساۋلىق ساقتاۋ سالاسىنداعى ادامي رەسۋرستاردى باسقارۋدىڭ وسى جانە باسقا دا ماسەلەلەرى كودەكستىڭ جوباسىندا ەسكەرىلەتىن بولادى» – دەپ قوسىمشا مالىمدەدى ۆيتسە-مينيستر.

وسىلايشا, وسى زاڭ جوباسى قول جەتكىزىلگەن جەتىستىكتەردى بەكىتۋگە جانە دامىتۋعا, دەنساۋلىقتى ساقتاۋ ماسەلەلەرىندەگى ورىن العان پروبلەمالاردى شەشۋگە باعىتتالاتىن, سونداي-اق سالانىڭ جوسپارلى جانە پارمەندى دامۋىنىڭ نەگىزى بولادى.

ءوزىنىڭ ءسوزىن قورىتىندىلاي كەلە, الەكسەي تسوي مينيسترلىكتىڭ كودەكستىڭ جوباسىن بارلىق ديالوگ الاڭدارىندا مۇددەلى تاراپتارمەن تالقىلاۋ ءۇشىن دايىن ەكەنىن اتاپ ءوتتى. كودەكستىڭ جوباسىمەن سىزدەر قر دسم-ءنىڭ mz.gov.kz سايتىندا تانىسا جانە ءوز ۇسىنىستارىڭىزدى كەرى بايلانىستا بولۋ ءۇشىن Kodeks_zdorovya_RK@mail.kz ەلەكتروندىق مەكەنجايىنا جىبەرە الاسىزدار. سونداي-اق قازىرگى كەزدە كودەكس تۇجىرىمداماسىنىڭ جوباسى تاۋەلسىز ساراپشىلاردى, ۇەۇ مەن باق-تى تارتا وتىرىپ, جۇمىس توپتارىندا قارالۋدا.