13-16 قىركۇيەك ارالىعىندا الماتىداعى «جايلاۋ» كلۋبىندا گولفتان كاسىپقويلار اراسىنداعى ءداستۇرلى «Kazakhstan open» ءتۋرنيرىنىڭ جالاۋى جەلبىرەيدى.
14 مارتە ۇيىمداستىرىلعالى وتىرعان ايتۋلى دودادا الەمنىڭ بىرقاتار مەملەكەتىنەن 130-دان اسا تانىمال سپورتشىلار كەلەدى دەپ كۇتىلۋدە. ولاردىڭ اراسىندا «European Challenge Tour» رەيتينگى بويىنشا 100 مىقتىنىڭ قاتارىنا كىرەتىن اتاقتى ويىنشىلار دا بار. سونىمەن قاتار, قازاقستان جانە باسقا دا ەلدەردىڭ ۇزدىك گولفشىلارى وسى باسەكەدە باق سىنايدى.
ەستەرىڭىزگە سالا كەتەيىك, 2005 جىلى ەلباسى نۇرسۇلتان نازارباەۆتىڭ باستاماسىمەن «Kazakhstan Open» ءتۋرنيرىنىڭ تۇساۋى كەسىلگەن بولاتىن. ۋاقىت وزعان سايىن بۇل جارىستىڭ بەدەلى كۇرت ارتىپ, كوپتەگەن الەمگە ايگىلى گولفشىلار الاتاۋ باۋرايىنا ات باسىن بۇردى. سولاردىڭ قاتارىندا مايكل كايمەر, الۆارو ۆەلاسكو, ەدۋاردو ماليناري, توممي فليتۆۋد جانە تاعى باسقا جۇلدىزداردىڭ بولعانىن جانكۇيەرلەر ۇمىتا قويعان جوق. بۇيىرتسا, بيىلعى باسەكەنىڭ دە دەڭگەيى وتە جوعارى بولماق.
عالىم سۇلەيمەن,
«ەگەمەن قازاقستان»
الماتى