ەلباسىمىزدىڭ «رۋحاني جاڭعىرۋ» باعدارلاماسى ماقالاسى اياسىندا قازتالوۆ اۋدانى ورتالىعىندا تاريحي-ولكەتانۋ مۋزەيى اشىلدى. ءوڭىردىڭ وتكەن-كەتكەنىنەن مادەنيەت مەكەمەسىنىڭ شاڭىراق كوتەرۋى ارينە, جاقسىلىقتىڭ بەلگىسى.
مۋزەيدىڭ اشىلۋ سالتاناتىندا ءسوز العان اۋدان اكىمى ابات شىنىبەكوۆ. «ولكەمىزدىڭ تاريحى مەن تابيعاتىنان مول ماعلۇمات بەرەتىن وسى مۇراجاي وسكەلەڭ ۇرپاقتىڭ سۇيىكتى ورنىنا اينالا بەرسىن! دەگەن تىلەگىن جەتكىزىپ, مۋزەي ۇجىمىنا كسرو-نىڭ حالىق ءارتىسى, جەرلەسىمىز حاديشا بوكەەۆانىڭ پورترەتىن سىيعا تارتتى.
جاڭادان تۇساۋى كەسىلگەن ولكەتانۋ مۋزەيىنىڭ قورىندا قازىردىڭ وزىندە 2 جارىم مىڭنان استام جادىگەر بار. تاريحتىڭ تالاي-تالاي ايتۋلى وقيعاسى وتكەن شەجىرەلى توپىراقتاعى ۇلاعات ۇياسىندا قازتالوۆ اۋدانىنىڭ وتكەنى مەن بۇگىنى كورىنىس تاپقان. عيمارات 4 ەكسپوزيتسيالىق بولمەدەن تۇرادى.
مۋزەي جەتەكشىسى نازكەش اداياليەۆانىڭ ايتۋىنشا, كوپشىلىك كوزايىمىنا اينالار جادىگەرلەر كۇنەن-كۇنگە تولىعۋ ۇستىندە ەكەن. تۋعان جەرى مەن وسكەن ەلىنىڭ كەشەگىسى مەن بۇگىنگىسىنە بەيجاي قاراي المايتىن كوكرەگى وياۋ اعايىن ۇيلەرىندە ءارتۇرلى سەبەپتەرمەن وسى ۋاقىتقا دەيىن ساقتالىپ كەلگەن قۇندى دۇنيەلەردى اكەلىپ تاپسىرىپ جاتقانى وتە قۋانارلىق جاعداي. جاقسى ءداستۇر الداعى ۋاقىتتا دا جالعاسىن تابا بەرگەي.
قايرات جاقىپ
باتىس قازاقستان وبلىسى,
قازتالوۆ اۋدانى