قىزىلوردا وبلىستىق جاستار ساياساتى ماسەلەلەرى باسقارماسى مەن «قازاقستان كۆن» وداعى رجقب «قىزىلوردا كۆن» فيليالىنىڭ ۇيىمداستىرۋىمەن 2018 جىلدىڭ 26 ءساۋىر كۇنى ساعات 15.00-دە وبلىستىق «مەكتەپ ليگا» جايدارمان ويىندارىنىڭ فينالدىق سايىستارى ءوتتى.
كوماندالارعا ءادىل باعاسىن بەرەر ادىلقازىلار القاسىنىڭ قۇرامىندا «قىزىلوردا كۆن» فيليالىنىڭ ديرەكتورى ا.باساروۆ, ارداگەر جايدارمانشى ا.باقتىباي ۇلى, كەزىندەگى «ماقتانشاقتار» جانە «قورقىت قۇراماسى» كومانداسىنىڭ بەلدى ويىنشىسى ق.وسپانوۆ, رەسپۋبليكالىق «پرەمەر ليگا» جايدارمان ويىندارىنىڭ 2013 جىلعى چەمپيوندارى «تۇڭعىش استانا» كومانداسىنىڭ مۇشەسى ا.شومەنوۆ جانە قالالىق «جاستار رەسۋرستىق ورتالىعى» كمم-ءنىڭ ديرەكتورى ج.دوسماحانوۆ بولدى.
سايىس ەكى كەزەڭدى قامتىدى. سالەمدەسۋ جانە جۇلدىزدى كورىنىس. تارتىستى وتكەن سايىستىڭ قورىتىندىسى بويىنشا:
وبلىستىق «مەكتەپ ليگاسى» بويىنشا: چەمپيون 2018 – بايقوڭىر قالاسىنىڭ ء«بىر ءۇيدىڭ بالدارى» كومانداسى, جۇلدەلى 2 ورىن – ارال اۋداندىق وقۋشىلار ءۇيى «دارىن» كومانداسى, 3 ورىن – جالاعاش اۋدانى جاڭاتالاپ اۋىلىنىڭ «بيزنەسمەندەر» كومانداسى يەلەنسە, ارنايى العىس حاتتارمەن قالالىق قوسىمشا ءبىلىم بەرۋ وقۋ – ادىستەمەلىك ورتالىعىنىڭ «ينتەللەكت» كومانداسى, جالاعاش اۋدانىنىڭ «تاتتىلەر» كومانداسى يەلەندى.
قاتىسۋشىلار ۇيىمداستىرۋشىلار تاراپىنان ديپلوم, العىس حاتتار جانە كۋبوكتارمەن ماراپاتتالدى.