پارلامەنت سەناتىنىڭ دەپۋتاتتارى ەربولات مۇقاەۆ پەن ناريمان تورەعاليەۆ جۇمىس ساپارىمەن باتىس قازاقستان وبلىسى جاڭاقالا اۋدانىندا بولدى. سەناتورلار اۋدانعا قاراستى جۋالىوي ەلدىمەكەنىندە بولىپ, قۇلشىق سۋ قويماسىنان تارتىلاتىن سۋ قۇبىرى جوباسىمەن تولىققاندى تانىستى.
سونىمەن قاتار دەپۋتاتتار بىرلىك اۋىلدىق وكرۋگىندە بولىپ, اۋىلدىق تىنىس تىرشىلىگىمەن تانىستى. حالىق قالاۋلىلارى باستاعان توپ قۇرىلىسى بيىل قاڭتار ايىندا اياقتالاتىن اۋىز سۋ ستانتسياسىندا بولدى. جوبا قۇنى 208 ميلليون تەڭگە بولاتىن اتالمىش قۇرىلىس «اق بۇلاق» باعدارلاماسىمەن سالىنعان بولاتىن.
بۇدان كەيىن سەنات دەپۋتاتتارى بىرلىك اۋىلدىق وكرۋگى تۇرعىندارىمەن كەزدەسىپ, حالىقتىڭ مازالاپ جۇرگەن سۇراقتارىنا جاۋاپ بەرىپ. ۇسىنىس-پىكىرلەرىن تىڭدادى. مىنبەرگە كوتەرىلگەن ن. تورەعاليەۆ پارلامەنتتە اتقارىلىپ جاتىرعان قىزمەتتەر مەن قابىلدانىپ جاتىرعان زاڭدار تۋرالى قىسقاشا بايانداسا, ە. مۇقاەۆ سەنات قىزمەتى تۋرالى ءسوز قوزعاي وتىرىپ, وبلىستا اتقارىلىپ جاتىرعان يگى ىستەردى رەسپۋبليكامەن سالىستىرا بايانداپ بەردى.