«بولاشاقتىڭ ەكونوميكاسى: قازاقستاننىڭ قارجى نارىعىن ساندىق جۇيەگە كوشىرۋ» تاقىرىبىنداعى كونفەرەنتسيا بارىسىندا ەلىمىزدەگى شاعىن نەسيەلەۋ سالاسىنىڭ وزەكتى ماسەلەلەرى تالقىلاندى. وندا قارجى سالاسىنىڭ ماماندارى ساندىق جۇيەدەگى بولاشاقتىڭ ەكونوميكاسى: ونىڭ كەلەشەگى مەن دامۋ بارىسىنا قاتىستى دەرەكتەرمەن ءبولىستى.
شاعىن نەسيە بەرۋ سالاسى قارقىنمەن دامىپ كەلە جاتقان قارجى ينستيتۋتى رەتىندە ەلىمىز عانا ەمەس جاھاندىق وزگەرىستەردى جىلدام يگەرۋمەن قاتار «ساندىق قازاقستان» مەملەكەتتىك باعدارلاماسىنىڭ جۇزەگە اسۋىنا بارىنشا ىقپال ەتىپ كەلەدى. وسىنداي پىكىرلەرىن ورتاعا سالعان قارجى سەكتورىنىڭ ماماندارى سالانىڭ زاماناۋي مۇمكىندىكتەرىن يگەرۋدە ساندىق تەحنولوگيالاردىڭ جەتىستىكتەرىن اتاپ ءوتتى.
قازاقستاندا ID Finance قارجىلىق تەحنولوگيا توبىنىڭ نەگىزىن قالاۋشىلاردىڭ ءبىرى ب. باتين, «Solva» شاعىن نەسيەلەۋ ۇيىمىنىڭ باس ديرەكتورى م.بەكجانوۆ, «پودپيشي. ونلاين» باس ديرەكتورى و. قۇنداقباەۆ, «Mintos» (لاتۆيا) ينۆەستيتسيالىق پلاتفورماسىن ۇسىنۋشى پ. ميكەلسون قازاقستانداعى قارجى نارىعى, ونىڭ ىشىندە بانك جۇيەسى, شاعىن نەسيەمەن قامتاماسىز ەتۋدەگى ساندىق جۇيەنىڭ باسىمدىقتارىنا توقتالىپ, تۇتىنۋشىلاردىڭ مۇددەسى, شاعىن نەسيە الۋداعى وتىنىشتەرىن ونلاين قاراستىرۋدىڭ جاڭا مۇمكىندىكتەرى تۋرالى باياندادى.
قازاقستانداعى العاشقى شاعىن نەسيەلەۋدى ساندىق جۇيەدە جۇزەگە اسىرۋدىڭ تيىمدىلىگىمەن بولىسكەن ساراپشى ماماندار قازىرگى كەزدە ەلىمىزدىڭ كوپتەگەن ايماقتارىندا ونلاين قىزمەتتەرگە سۇرانىستىڭ ارتىپ كەلە جاتقاندىعىن جەتكىزدى.
ەلۆيرا سەرىكقىزى,
«ەگەمەن قازاقستان»
الماتى