ۇزدىك تاۋار وندىرۋشىلەر انىقتالدى

بايقاۋعا ەلوردالىق 72 كومپانيا قاتىسىپ, ولاردىڭ ىشىندە «وندىرىستىك ماقساتتاعى ۇزدىك تاۋارلار» اتالىمى بويىنشا 22 كومپانيا, «حالىققا ارنالعان ۇزدىك تاۋار» اتالىمى بو­يىنشا 36 كومپانيا, «ۇزدىك ازىق-ت ۇلىك تاۋار» اتالىمى بويىنشا 14 كومپانيا ءوزارا باق سىناستى. وتاندىق تاۋار وندىرۋشىلەردىڭ ىشىندە ۇزدىگىن انىقتاۋ ءۇشىن استانا قالاسىنىڭ كاسىپكەرلەر پالاتاسى, استانا قالاسى قوعامدىق دەنساۋلىقتى قورعاۋ دەپارتامەنتى, ۇلتتىق ساراپتاۋ مەن سەرتيفيكاتتاۋ جانە سانيتاريالىق-ەپيدەميولوگيالىق ساراپتاما ورتالىقتارىنىڭ بىلىكتى ماماندارىنان قۇرالعان كوميسسيا جۇمىس ىستەدى. شارانى ۇيىمداستىرۋداعى نەگىزگى ماقسات – وتاندىق تاۋار وندى­رۋشىلەرىنىڭ ءوزارا تاجىريبە الماسىپ, باسەكەگە قابىلەتتىلىگىن شىڭداۋعا ىقپال ەتۋ.

استانا قالاسى وڭىرلىك كا­سىپ­كەرلەر پالاتاسىنىڭ ديرەكتورى الەن تۇلكىباەۆتىڭ ايتۋىنشا, اتالعان شارانىڭ جىلدان-جىلعا ماڭىزدىلىعى ارتىپ كەلەدى. وسىنداي كورمە-بايقاۋلار ۇيىمداستىرۋ حالىق اراسىندا وتاندىق ونىمدەرگە سۇرانىستىڭ ارتۋىنا وڭ ىقپال ەتپەك. بايقاۋ قورىتىندىسى بو­يىنشا 9 كاسىپورىن ۇزدىك دەپ تانىلىپ, ديپلوم جانە باعالى سىيلىقتارمەن ماراپاتتالدى. ولاردىڭ اراسىندا ازىق-ت ۇلىك وندىرەتىن, قۇرىلىس زاتتارىن شىعاراتىن جانە IT تاۋارلاردى نارىققا ۇسىناتىن سەرىكتەستىكتەر بار. ەلوردالىق كاسىپورىنداردىڭ تۇتىنۋشىلار سۇرا­نىسىن وتەۋگە قابىلەتى دە, الەۋەتى دە جەت­­كىلىكتى. باس قالاداعى كاسىپورىندار تاۋار­لارعا دەگەن تاپسىرىستىڭ 40 پروتسەنتىن وتەپ وتىر.

بۇگىندە قازاقستاننىڭ 12 وڭىرىندە «قازاقستاننىڭ ۇزدىك تاۋارى» وڭىرلىك كورمە-بايقاۋىنىڭ قورىتىندىسى جاريالانىپ, 108 جەڭىمپاز انىقتالعان. اتالعان شارا الداعى ۋاقىتتا ەلىمىزدىڭ قالعان وڭىرلەرىندە جالعاسىن تاپپاق. ءار وڭىردەن توپ جارعان ۇزدىك كاسىپورىندار كۇزدە وتەتىن «قازاقستاننىڭ ۇزدىك تاۋارى» رەسپۋبليكالىق كورمە-بايقاۋىندا ءوزارا باق سىناساتىن بولادى.

ەركەجان ايتقازى,

«ەگەمەن قازاقستان»