شىلدەنىڭ 27-نەن 28-نە قاراعان ءتۇنى تەرىسكەي جۇرتشىلىعى ايدىڭ تۇتىلۋىن باقىلاپ, سيرەك كەزدەسەتىن استرونوميالىق قۇبىلىستىڭ كۋاگەرى بولدى.
ول ءۇشىن م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ بەسىنشى وقۋ عيماراتىنىڭ الدىنا تەلەسكوپ ورناتىلىپ, قىزىقتاۋشىلار قاتارى قالىڭ بولدى.
ەڭسەلى وقۋ ورنىنىڭ پروفەسسورى اندرەي سولودوۆنيكتىڭ ايتۋىنشا ايدىڭ تولىق تۇتىلۋى وتە سيرەك كەزدەسەتىن وقيعا. تۇنگى 12-لەر شاماسىندا جەردىڭ كولەڭكەسى ايدى جاۋىپ, اتموسفەرانى كەسىپ وتەتىن كۇن ساۋلەلەلەرى قانىق قىزىل تۇسكە بوياعان. ءسويتىپ جەر سەرىگىنىڭ تۇتىلۋى 1 ساعات 43 مينۋتقا سوزىلعان. استرونومنىڭ بولجامىنشا مارس تا جەرگە جاقىنداپ, ادام كوزىنە كورىنەتىن قاشىقتىقتا بولعان.
ء«بىر ەرەكشەلىگى ايدىڭ تولىق تۇتىلۋى مەن مارستىڭ قاراما-قارسى كەلۋى ءبىر مەزگىلدە بايقالدى دەۋگە بولادى. استرونوميالىق قۇبىلىستاردىڭ اراسىنداعى ايىرماشىلىق جارتى تاۋلىك قانا. بۇل وزگەرىستەردى رەسەي مەن تمد ەلدەرىنىڭ باسىم بولىگى, ءۇندىستان, افريكا تۇرعىندارى باقىلاي الدى»,دەيدى پروفەسسور.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى