ماڭعىستاۋ وبلىسى جاڭاوزەن قالاسىندا جازعى كانيكۋل كەزەڭىندە بالالاردىڭ بوس ۋاقىتىن ءتيىمدى ۇيىمداستىرۋ, سونىمەن قاتار جاڭارتىلعان ءبىلىم مازمۇنىن, ۇشتىلدىلىكتى ىلگەرىلەتۋ ماقساتىندا وقۋشىلار ءۇشىن قالالىق ءبىلىم بەرۋ ۇيىمدارى جانىنان لاگەرلەر ۇيىمداستىرىلدى.
اتالمىش لاگەرلەر جۇمىسىنا «نۇر وتان» پارتياسى جاڭاوزەن قالالىق فيليالى جانىنداعى پارتيالىق باقىلاۋ كوميسسياسىنىڭ قۇرامى پارتيالىق باقىلاۋ جۇرگىزدى.
قالا بويىنشا ءۇش تىلدىك لاگەرلەر ماۋسىم ايىنىڭ 6 جۇلدىزىنان باستاپ I كەزەڭى جۇمىسىن باستادى. I كەزەڭدە قامتىلعان وقۋشىلار سانى 330 بولسا, II كەزەڭدە 270 وقۋشى قامتىلىپ وتىر.
قالالىق ءماسليحات دەپۋتاتى, «وزەنديزاينسەرۆيس» جشس ديرەكتورى, پارتيالىق باقىلاۋ كوميسسياسىنىڭ توراعاسى بەكقالي نۇربوسىنوۆ: «وسىنداي لاگەرلەر بالالارعا ءتيىمدى, ءارى بوس ۋاقىتىن مازمۇندى وتكىزۋگە پايدالى. كوميسسيا مۇشەلەرى وتكىزىلگەن ءدارىس جۇمىستارىنا قاتىستىق, مۇعالىمدەردىڭ بىلىكتىلىگى مەن ۇيىمداستىرۋ قابىلەتتىلىگىنە ريزامىز», دەدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى