وبلىس ورتالىعىنداعى مەرەكەگە ERG كومپانياسىنىڭ قوستاناي وبلىسىنا قاراستى ارقالىق, ليساكوۆسك قالالارىنداعى فيليالدارىنىڭ جۇمىسشى-قىزمەتكەرلەرى دە قاتىستى. مەتاللۋرگتەردى كاسىبي مەرەكەمەن وبلىس اكىمى بولات باقاۋوۆ قۇتتىقتادى.
ERG كومپانياسى ءوڭىر الدىنداعى الەۋمەتتىك جاۋاپكەرشىلىك مىندەتتەرىن لايىقتى ورىنداپ كەلەدى. كومپانيا مەن وبلىستىق اكىمدىك اراسىندا جاسالعان مەموراندۋمعا سايكەس, جاڭا سپورت نىساندارى اشىلىپ, تۇرعىن ۇيلەر بوي كوتەرۋدە. الەۋمەتتىك ماسەلەلەردى شەشۋدە بىرلەسە ەڭبەك ەتۋدە.
«قازاقستان ءاليۋمينيى» اق پرەزيدەنتى رومان رومانوۆتىڭ ايتۋىنشا, «قازاقستان ءاليۋمينيى» اق جانە «قازاقستان ەلەكتروليز زاۋىتى» اق كاسىپورىندارى ەلىمىزدەگى ءوندىرىستىڭ نەگىزى. جىل باسىنان بەرى 750 مىڭ توننا گلينوزەم, 2 ميلليون توننا بوكسيت, 1 ميلليون توننا اكتاس, 127 مىڭ توننا اليۋميني وندىرگەن.
بۇل كۇنى «قازاقستان ءاليۋمينيى» اق-نىڭ 50, ال «قازاقستان ەلەكتروليز زاۋىتىنىڭ» اق-نىڭ 14 جۇمىسشى-قىزمەتكەر, مەتاللۋرگتەرىنىڭ سۋرەتتەرى قۇرمەت تاقتاسىنا ءىلىندى. كاسىپورىنداردىڭ 500-دەن استام مەتاللۋرگى ماراپاتتالسا, كوپشىلىگى «ەرەن ەڭبەگى ءۇشىن», «ەڭبەك داڭقى», «كەنشى داڭقى» بەلگىلەرىن يەلەندى. مىسالى, سەرگەي چەرنىح «ۇزدىك بريگادير», ەلۋباي ساكەنوۆ «ۇزدىك تالىمگەرى» اتاندى.
مەتاللۋرگتەردى وتاندىق ەسترادا ءانشىسى لۋينا, رەسەيلىك ديما بيلان قۇتتىقتادى.
فاريدا بىقاي
«ەگەمەن قازاقستان»
پاۆلودار