كەڭ دالادا تۇلپارلارى جارىسقان,
قىراندارى قاناتتارىن قاعىسقان,
تاڭىرىدەي كۇتەتۇعىن قازاعىم,
«تاۋەلسىزدىك!»دەگەن ءسوزدى الىستان...
كوپ شىداۋمەن تاعدىرىنىڭ تەزىنە,
اينالعاندا قاراعايدىڭ بەزىنە,
ءتاڭىرىن دە تارك ەتەردەي تۇتاندى,
جارقىلداєان جاسىن تۇنىپ كوزىنە.
جەلتوقسان مەن تاۋەلسىزدىك – ءبىر ۇعىم,
(كەر زاماندا كەسىلگەن قىز بۇرىمى),
تاۋەلسىزدىك-تابارىگى عاسىردىڭ,
مىندەت ونى ءمىناجاتتاپ تۇرۋىڭ!
سوندىقتان دا, ەي, قادىرلى ازامات,
قايدا سالسا قايىسپايتىن قازانات!
ازات كوركىڭ كۇللى الەمدى شارلاعان,
قازاق دەگەن اتىڭ سەنىڭ عاجاپ-اق!
قازاق بولعان قاي زاماننان مىناۋ ەل,
قايسارلىقتىڭ قانى سىڭگەن قۇبا بەل,
تىزە بۇگىپ تاڭىرىدەن سۇرارى:
ەركىندىكتى ەندى ماڭگى قىلا گور!
قويشىعۇل جىلقىشيەۆ.
اتىراۋ.