جيىرما جىلدىققا – جيىرما شىرشا

ەگەر سەن الدىڭا ءبىر جىل­دىق ماقسات قويساڭ – ەگىن ەك, بىرنەشە جىلعا ماقسات قويساڭ – اعاش وتىرعىز, عاسىرلارعا ماقسات قويساڭ – ۇرپاق تاربيەسىمەن اينالىس. وسى ءبىر ناقىل سوزدەر «دارىندى قىز بالالارعا ار­نال­عان قازاق-تۇرىك ليتسەيىندە» اتا-انالاردىڭ قاتى­سۋى­مەن بول­عان ءىس-شارانىڭ ءمان-ما­عىناسىن تەرەڭ اشىپ تۇر­عانداي. ليتسەي وقۋشى­لارى­نىڭ «تاۋەلسىزدىگىمىزدىڭ 20 جىلدى­عىنا 20 شىرشا سىي­لايىق» دەگەن باستاماسىن ليتسەي ديرەك­تورى يۋنۋس گۋنەش قىزۋ قولداپ, عيماراتى­مىز­دىڭ ال­دى­نا 20 جاس شىرشا كوشەتتەرى وتىرعىزىلدى. بۇل ءىس-شارانى وتكىزۋدە اتا-انالار دا بەلسەندىلىك تانىتتى. 20 جىل, 20 شىر­شا سيمۆولىنا ساي بو­لايىق دەپ 20 اتا-انا كەلدى. ەسىكتەن كىرگەننەن ولار­دىڭ كوڭىل-كۇيلەرى وتە جو­عارى ەكەنى بايقالدى. سەبەبى, بىرنەشە جىلعا ماقسات قوي­ساڭ, اعاش وتىرعىز ناقى­لىنىڭ كوكەيگە قونعانى سول, بالالا­رى­نان ليتسەيگە, ودان اسىپ, گۇلدەنگەن جاس ەل­ور­دامىزعا كەرەمەت ەسكەرتكىش قالادى. جانە كورشىلەس وتىرعان №48 مەكتەپ-ليتسەيدىڭ ءبۇلدىرشىن-جەتكىنشەكتەرى ءۇزىلىس ۋاقى­تىندا ويناپ, دە­مالاتىن كو­رىك­تى ورىنعا اينالسا, اۋاسى­نىڭ تازا بولۋى – ءبارى-ءبارى كوڭىلگە قونىمدى, زامانعا ساي ءارى ورنىمەن اتقا­رىلعان جۇ­مىس ەكەنى انىق. قازاق ءۇشىن قاي كەزەڭدە دە كيەلى ماسەلە بولىپ قالا بەرەتىن جاۋاپتى ءىس – بالا تاربيەسى. قىزدارىمىزدىڭ بىلىمدەگى جەتىستىكتەرى اۋىز تولتىرىپ اي­تارلىقتاي (2010-2011 وقۋ جى­لى بويىنشا 6 «التىن بەلگى» يەگەرى, 1 ۇزدىك اتتەستات, حالىق­ارالىق پاندەر وليم­پيا­دا­سى­نىڭ 7 جۇلدەگەرى, حا­لىقارالىق عىلىمي جوبالار جارىسىنىڭ 19 جۇلدەگەرى (9 التىن مەدال), رەسپۋبليكالىق پاندەر وليم­پيا­دا­سىنىڭ 4 ءجۇل­دەگەرى) دەسەك, تاربيە ءبارى­نەن بيىك تۇرۋى كەرەكتىگى ايتپاسا دا تۇسىنىكتى. اينالا­مىزدى كوگالداندىرۋ ماسەلە­سىن بىلاي قويعاندا, «اتا-انا – ۇستاز – وقۋشى» ۇشتىگى بىرلەسە وتىرىپ ىستەگەن وسىناۋ ءبىر وڭدى ءىس-شارا قاتىسقانداردىڭ بارىنە دە ەرەكشە تەبىرەنىس پەن ەڭبەك راحاتىن سىيلادى. وسىنداي ورىندى باستامالار جالعاسىن تاۋىپ, مەكتەپ پەن اتا-انالار اراسىنداعى باي­لانىس ۇزىلمەسىن. ەل مە­رەي­تويى قۇتتى بولسىن! باقىت ايتمۋرزينا. استانا.