بريتاندىق «Travelodge» قوناقۇيلەر جەلىسى جىل سايىن قوناق بولمەلەردە ۇمىت قالاتىن زاتتاردىڭ ءتىزىمى جاسايدى.
بىردە, ءتىپتى ۇمىت قالعان بۇيىمدار اراسىنداعى ءبىرتۇرلى, ادام ويىنا كىرمەيتىن, زاتتاردىڭ دا ءتىزىمىن جاريالاعان. ونىڭ ىشىندە ءۇي جانۋارلارىمەن قوسا, ۆاننادا تابىلعان اكۋلا دا بولعان. 10 مىڭ دوللارلىق الىنبالى-سالىنبالى التىن تىستەر, انتيكۆاريات-اتكەنشەك, 75 مىڭ دوللارلىق Rolex ساعاتى, قوقىس جاشىگىنە تاستالعان التىن اقشالار بار. بىردە تويعا اسىققان ەرلى-زايىپتىلار ءبىر-بىرىنە سەنىپ ءبىر جارىم جاسار سابيلەرىن دە ۇمىتىپ كەتكەن جاعداي بولىپتى. قۇداي ساقتاعاندا, ولار قوناقۇيگە تەز ارادا ورالىپ, بالالارىمەن اماندىقتا قاۋىشقان.
جاريالانعان ءتىزىمنىڭ ىشىندە «ۇمىتىلعىش» كىتاپتار دا بار. ول كىتاپتار نە ءۇشىن ۇمىتىلا بەرەتىنىن دە ءدوپ باسىپ ايتۋ قيىن. سومكەلەرىنە سىيماي قالدى ما, الدە كەزدەيسوق ۇمىتىلدى ما, ءبىر قۇداي ءبىلسىن. مۇمكىن باسقا ادامدار دا وقىسىن دەگەن وي بولعان شىعار... كوبىنە كوركەم ادەبيەت (ماحاببات حيكاياسى, بالالار ادەبيەتى).
بىلتىرعى ۇمىت بولعان 20 كىتاپتىڭ ءتىزىمى تومەندەگىدەي:
1. ەريك لەونارد دجەيمس «بوستاندىقتىڭ ەلۋ رەڭى» 2. سيلۆيا دەي «سەن ءۇشىن...» 3. دجەننيفەر پروبست «نەكە كەلىسىمى» 4. گيلليان فلينن «جوعالعان ارۋ» 5. دج.ك. روۋلينگ «كەزدەيسوق ۆاكانسيا» 6. ە.ل. دجەيمس «سۇر ءتۇستىڭ ەلۋ رەڭى» 7. سيلۆيا دەي ء«وزىڭمىن» 8. برەدلي ۋيگگينس «مەنىڭ ۋاقىتىم» 9. سيلۆيا دەي «وزىڭمەن بىرگە» 10. ە.ل. دجەيمس «ەلۋ ەسە قاراڭعى» 11. شەريل كوۋل «مەنىڭ تاريحىم» 12. دجەننيفەر پروبست «نەكە قاقپانى» 13. دەۆيد ۋولليامس «كەمپ دەۆيد» 14. دجەننيفەر ۋورف «اكۋشەردى شاقىرۋ. 1950 جىلداردا يست-ەندتىڭ باستان كەشكەندەرى» 15. س.دج. ۋوتسون «مەن ۇيىقتاعانشا» 16. دجەننيفەر پروبست «نەكە قاتەلىگى» 17. دجون گريشەم «رەكەتير» 18. سوفي حاننا «تاسىمالداۋشى» 19. دون فرەنچ «قىمباتتى سيلۆيا» 20. فرەنسيس سكوتت فيتسدجەرالد « ۇلى گەتسبي»
باعاشار تۇرسىنباي ۇلى, «ەگەمەن قازاقستان»