وبلىس اكىمى بەردىبەك ساپارباەۆ پەن كۇنى كەشە ەلباسى جارلىعىمەن ەلىمىزدىڭ جوعارى ناگراداسى – «پاراسات» وردەنىمەن ماراپاتتالعان وسكەمەن قالاسىنىڭ اكىمى يسلام ابىشەۆ ورالماندارعا ارنالىپ بوي كوتەرگەن شىعىس اۋىلىندا 14 قانداسىمىزعا جاڭا پاتەرلەردىڭ كىلتىن سالتاناتتى جاعدايدا تاپسىرىپ, ولاردى قۋانىشتارىمەن قۇتتىقتادى. «سىزدەر پاتەر كىلتتەرىن ەل تاۋەلسىزدىگىنىڭ 20 جىلدىعىمەن قاتار الىپ تۇرسىزدار. بۇل – ۇلكەن مارتەبە. ەڭبەكتە الدا بولىپ, ەل مارتەبەسىن ابىرويمەن كوتەرە بەرىڭىزدەر», دەدى ءوڭىر باسشىسى.
بۇعان دەيىن شىعىس اۋىلىندا 300-دەن استام تۇرعىن ءۇي پايدالانۋعا بەرىلگەن. مۇندا جاڭا مەكتەپ, اۋرۋحانا, بالاباقشا جۇمىس ىستەپ تۇر. كەلەر جىلى ورالماندارعا ارنالعان جاڭا اۋىلدا تاعى ەلۋدەن استام تۇرعىن ءۇي سالىنباق.
وڭداسىن ەلۋباي,
وسكەمەن.