ۇلتتىق اكادەميالىق كىتاپحانادا قازاقستان حالقى اسسامبلەياسى مۇشەلەرىنە قازاقستان رەسپۋبليكاسىنىڭ مەملەكەتتىك ناگرادالارىن جانە «قازاقستان رەسپۋبليكاسىنىڭ تاۋەلسىزدىگىنە – 20 جىل» مەرەيتويلىق مەدالدارىن تاپسىرۋ سالتاناتى ءوتتى.
اسسامبلەيا مۇشەلەرىنە ەل پرەزيدەنتى, ۇلت كوشباسشىسى جانە قازاقستان حالقى اسسامبلەياسىنىڭ توراعاسى نۇرسۇلتان ءابىش ۇلى نازارباەۆتىڭ اتىنان ناگرادالاردى قحا توراعاسىنىڭ ورىنباسارى – حاتشىلىق مەڭگەرۋشىسى ەرالى توعجانوۆ تاپسىردى.
قازاقستان رەسپۋبليكاسىنىڭ مەملەكەتتىلىگىن قالىپتاستىرۋ مەن ەگەمەندىگىن نىعايتۋعا قوسقان ۇلكەن ۇلەسى, قوعامداعى كەلىسىمدى ساقتاۋ سالاسىنداعى جەمىستى قىزمەتى, ەلىمىزدەگى بەيبىتشىلىك, دوستىق پەن ەل بىرلىگىن نىعايتۋعا سىڭىرگەن ەڭبەگى ءۇشىن, سونداي-اق تاۋەلسىزدىكتىڭ 20 جىلدىعىنا بايلانىستى اسسامبلەيانىڭ 49 مۇشەسى ناگرادتالدى, ولاردىڭ ىشىندە قحا كەڭەسىنىڭ مۇشەلەرى, رەسپۋبليكالىق جانە ايماقتىق ەتنومادەني بىرلەستىكتەر باسشىلارى, اسسامبلەيانىڭ عىلىمي-ساراپتىق كەڭەسىنىڭ وكىلدەرى بار.
ە.توعجانوۆ تاۋەلسىزدىكتىڭ ەڭ باستى قۇندىلىق رەتىندەگى اۋىسپايتىن ماڭىزىن كورسەتە وتىرىپ, قوناقتاردى تاۋەلسىزدىكتىڭ 20 جىلدىق مەرەيتويىمەن قۇتتىقتادى. تاۋەلسىزدىكتىڭ ارقاسىندا, قوعامنىڭ سان قىرلىلىعى مەن پوليەتنوستىلىعىن, حالىقتىڭ دامۋدىڭ ۇزدىك تاجىريبەسىنە بەيىمدىلىگى مەن ەركىندىك سۇيگىش مىنەزىن نەگىزگە الا وتىرىپ, ۇلتتىق ساياساتتى جاڭا مەملەكەت قۇرۋعا باعىتتاۋعا جول اشىلدى, ونىڭ باستى جەتىستىكتەرى – بەيبىتشىلىك, پروگرەسس جانە ەتنوسارالىق تولەرانتتىلىققا قول جەتكىزۋگە مۇمكىندىك پايدا بولعانىن اتاپ ءوتتى.
ە.توعجانوۆ: «ەل بىرلىگى مەن قوعامدىق كەلىسىم ەلىمىزدىڭ جەمىستى دامۋىن قامتاماسىز ەتتى. قازاقستان تاۋەلسىزدىكتىڭ 20 جىلىندا «قازاقستاندىق جول» ۇعىمىمەن بەينەلەنەتىن تۇراقتىلىق پەن الەۋمەتتىك-ەكونوميكالىق پروگرەستىڭ وزىندىك فورمۋلاسىن جاساپ شىقتى», – دەدى.
شارادا تاۋەلسىزدىكتىڭ 20 جىلدىعى مەرەكەسىنە ارنالعان مەرەيتويلىق ءىس-شارالاردى ءوتكىزۋ بويىنشا قازاقستان حالقى اسسامبلەياسى جۇمىسىنىڭ قورىتىندىلارى شىعارىلدى. وسى جۇمىس اياسىندا اسسامبلەيا قحا-نىڭ تاۋەلسىزدىكتىڭ 20 جىلدىعىن وتكىزۋ جونىندەگى ارنايى ءىس-شارالار جوسپارىنا سايكەس 475 شارانى ىسكە اسىردى.
رەسپۋبليكا بويىنشا ايماقتىق قازاقستان حالقى اسسامبلەيالارىمەن تاقىرىپتىق ءىس-شارالار, قازاقستاندىق قۇندىلىقتار – بەيبىتشىلىك, ەتنوسارالىق كەلىسىم, وتانسۇيگىشتىك, ەل بىرلىگىن ودان ءارى نىعايتۋعا باعىتتالعان كونفەرەنتسيالار مەن «دوڭگەلەك ۇستەلدەر», ەتنومادەني بىرلەستىكتەر مەن دوستىق ۇيلەرىنىڭ اشىق ەسىك كۇندەرى, كونكۋرستار, شىعارماشىلىق كەزدەسۋلەر, قايىرىمدىلىق اكتسيالارى, كورمەلەر, كونتسەرتتەر, ونەر جانە قولدانبالى تۋىندىلار فەستيۆالدارى, سپورتتىق جارىستار جانە ت.ب. وتكىزىلدى.
«ەگەمەن-اقپارات».
استانا.