تاۋەلسىزدىك تويىنا ارنالعان سالتاناتتى جيىن ىنتىماق اۋىلىندا جاڭا كلۋبتا ءوتتى. ءسويتىپ, كوپشىلىك مادەنيەت وشاعىندا ءبىرىنشى رەت جايلى جاعدايدا مەرەكەلىك كونتسەرتتى تاماشالادى.
بۇقار جىراۋ اۋدانىنداعى وسىناۋ ەلدى مەكەندە 80-نەن استام وتباسى تۇرادى. بۇعان دەيىن مادەني شارالار مەكتەپ ءۇيىنىڭ سپورت زالىندا وتكىزىلىپ كەلگەن-ءدى. بۇدان بىلاي قاراي كلۋبتىڭ ەسىگى ءاردايىم اشىق. ونىڭ بوي كوتەرۋى, اسىرەسە, جاستارعا ۇلكەن قۋانىش اكەلدى. بۇرىننان دا تالانتتى ونەرپازدارىمەن بەلگىلى اۋىل ءومىرى ەندى كورىكتەنە تۇسەتىنى انىق. ويتكەنى, مۇندا ءارتۇرلى ۇيىرمەلەر قۇرىلىپ, جاستار بوس ۋاقىتتارىن ءماندى دە ءساندى وتكىزۋگە تارتىلماق.
«ەگەمەن-اقپارات».
قاراعاندى وبلىسى,
بۇقار جىراۋ اۋدانى.