«جەتىسۋ ساياباعى» – ءتور قالانىڭ تۋعان كۇنىنە تارتۋ

قازىر «BI Group» قۇرىلىس حولدينگى «اراي» ساياباعىن اباتتاندىرىپ, قايتا جوندەۋ جوباسىن اياقتاۋعا جاقىن قالدى. تولىقتاي قايتا جاسالعان ساياباق ارايلى استاناداعى جەتىسۋدىڭ ءبىر بولشەگىنە ۇقساس كەيىپكە ەنىپ, وبلىستىڭ كورىكتى جەرىن كوزبەن كورگەندەي اسەر بەرەتىن ورتالىققا اينالادى. ءارى ساياباقتىڭ اتاۋى دا وزگەرىپ, ول ەندىگى جەردە «جەتىسۋ» دەمالىس ساياباعى دەپ اتالادى.

اۋماعى 15 گەكتار بولاتىن ساياباقتى جەتىلدىرۋ جوباسى اياسىندا ءتورت نەگىزگى ايماقتى قۇرۋ جوسپارلانىپ وتىر. ءبىرىنشىسى – تىنىش, سەرۋەنگە وتە ىڭعايلى بولماق. بۇدان ءارى ورتالىق اللەيا اينالاسىندا بالالاردىڭ ويىن الاڭى مەن تاماقتانۋ ايماعى, ودان ءارى اۆتوتۇراق ايماعى ورنالاسادى. سونداي-اق ساياباقتا ۇزىندىعى 1,5 شاقىرىم بولاتىن ۆەلوسيپەدشىلەرگە ارنالعان اينالما جانە جۇگىرۋ جولدارى بولادى. 

– ساياباقتا اركا, كىرەبەرىس قاقپا قويىلۋدا. باس سۋبۇرقاق پەن وبلىستىڭ سيمۆولى بار «اپورت» الاڭى – تاۋلارعا, پاۆيلوندار مەن كيىز ۇيلەرگە اپاراتىن توبەدەن تۇرادى. اۋماعىنا ءارتۇرلى جاستاعى بالالارعا ارنالعان ويىن الاڭشالارى كىرەتىن ءتاڭىر الاڭى جاسالادى. تاڭبالى تاستىڭ جازبالارى بار بالبال تاستار مەن شارىن شاتقالى پايدا بولماق جانە ساياباقتا اشىق اسپان استىنداعى امفيتەاتر سالىنادى, – دەيدى جوبا مەنەدجەرلەرى.

الاڭنىڭ ورتاسىندا حوش ءيىستى شوپتەر, گۇلدەر, بۇتا­لار­دان تۇراتىن قازاقستان­نىڭ كارتاسى بولادى. سونىمەن قاتار ساياباقتا 270 اعاش وتىرعىزىلادى, ونىڭ كوبى جە­مىس اعاشتارى. دەمەك, استا­نا­­لىقتار وسى باققا كە­لىپ جە­تىسۋ توپىراعىندا ءونىپ-وسە­تىن ءتۇرلى جەمىستەردىڭ ءدا­مىن تاتادى. ساياباق اۋما­عىن جا­­رىقتاندىرۋ دا تولىق­تاي جۇ­زەگە اسادى. تۇنگى تى­نىش­­تىق­قا مۇلگىگەن دەمالىس ورنىن 380 ارنايى شام ساۋ­لەگە بولەپ, سامالاداي جار­قى­راتپاق. 

جۋىردا وبلىس اكىمى اماندىق باتالوۆ جۇمىس سا­پا­رىمەن استانا قالاسىنا بار­­عانىندا «اراي» سايابا­عىن اباتتاندىرۋ بويىنشا اتقارىلىپ جاتقان جۇمىس­تار­دىڭ قارقىنىمەن تانىسقان بولاتىن. بۇگىنگى كۇنى سايا­باق­تا ورنالاس-

تىرىلاتىن بارلىق كىشى ساۋلەت نىساندا­رى قۇيىلىپ, ورناتىلۋعا ءازىر. قازىر 15 گەكتار القاپقا سو­زىلعان ساياباق اۋماعىنىڭ ءار بۇ­رىشىندا جوسپارلانعان جۇ­­مىس­­تار قارقىندى جۇر­گىزىلۋدە. نىسانداعى بارلىق جوندەۋ جۇ­مىس­­تار وسى ماۋسىم ايىنىڭ سو­ڭىندا تولىق اياقتالادى. 

– بۇل ساياباق الماتى وبلى­­سى­نىڭ ەلورداسى استا­نا­نىڭ 20 جىلدىق مە­رەي­­تويىنا جاساعان سىيى بول­ماق. استاناعا قىدىرىپ بار­­ع­ان ءاربىر جەتىسۋلىق وسى سايا­­باقتا سەرۋەندەپ ءجۇرىپ, تۋ­عان ولكەسىنىڭ تابيعاتىن كوز­بەن كورگەندەي بولار دە­گ­ەن ويدامىز. وسى ءۇشىن سايا­باقتىڭ جاڭا كەلبەتىن قالىپتاستىرۋ كەزىندە تانىمال ساۋلەتشىلەردىڭ ەرەكشە ديزاين ۇلگىلەرى تاڭدالدى, – دەيدى وبلىس اكىمى اماندىق باتالوۆ.

قالماحانبەت مۇقامەتقالي, «ەگەمەن قازاقستان»

الماتى وبلىسى