وقىرمان...
...ريزاشىلىعىن جەتكىزەدى
اۋىلىنا قايىرىمدىلىق جاسادىقۇرعاق جەردە ءدان وسپەيدى, قۇرعاق سوزدەن ەشتەڭە ونبەيدى. ءبىر ازاماتىمىز ءوزىنىڭ ازىن-اۋلاق نەسىبەسىنەن ءبولىپ, اۋىلىنىڭ جيىن-توي وتكىزۋىنە جاعداي جاساۋ ماقساتىندا ەكىباستۇز قالاسىنان 10 بيىك ۇستەل, ءاربىر ۇستەل باسىنا 12 ادامنان وتىراتىن ورىندىق, ۇلكەن كيىم ىلگىش جاساتتىرىپ جانە گاز پليتا بالوندارىن اكەلىپ اۋىلدىڭ كلۋبىنا تابىستادى.
بۇنى ءوز نەسيەسىنە جاساتقان جانە كولىك جالداپ اۋىلعا اكەلگەن اۋىلىمىزدىڭ مولداسى بولعان عۇبايدوللا اتامىزدىڭ نەمەرەسى ەسەنگەلدى بايدىراحمان ۇلى بولاتىن. ول ءوزى استانادا تۇرادى, زەينەتكەر. بۇنداي جاقسىلىق بىرەۋلەرگە قارلىعاشتىڭ ءورت سوندىرۋگە قاناتىمەن سۋ سەپكەندەي بولىپ كورىنۋى مۇمكىن. ال بۇل ءابجان اۋىلىنىڭ تۇرعىندارى ءۇشىن ۇلكەن جاقسىلىق. ويتكەنى بۇرىن توي جاساۋعا ادامدار بۇكىل اۋىلدان ۇستەل, توسەنىش, وشاق, قازاندىق تاسىپ ءبىر كۇن ۋاقىتتارىن وتكىزەتىن. مىنە, ناعىز پاتريوت دەپ وسىنداي ازاماتتاردى ايتار بولار.
قايىرگەلدى ماشىرىق ۇلى پاۆلودار وبلىسى, اقتوعاي اۋدانى
...ءسۇيىنىشىن بىلدىرەدى
قۇلاق قۇرىشىن قاندىرادىبۇرىنعىداي ەمەس, زەينەتكە شىققالى بەرى بوس ۋاقىتىم مولايىپ, گازەت پەن جۋرنال, كىتاپتار وقىپ, راديو تىڭداۋعا كوبىرەك مۇمكىندىك تۋدى. ۇلت مۇراتىن ۇلىقتاعان قازاق راديوسىن تاۋلىك بويى تىڭدايتىنداردىڭ ساناتىنانمىن. جاس كەزىمىزدەن ەرمەگىمىز راديو بولاتىن.
قازىر ترانزيستورلى راديوقابىلداعىش ۇستايتىن بولدىق. كەيىننەن ۇيدەگى جاپوننىڭ «سوني» امبەباپ راديوقابىلداعىشى تۇراقتى سەرىگىمىزگە اينالدى. وسىلايشا وعان ابدەن باۋىر باسىپ كەتتىك. كۇن دەمەي, ءتۇن دەمەي قالاعان ۋاقىتىڭدا تۇيمەسىن باسىپ قالساڭىز بولدى, قۇلاقتىڭ قۇرىشىن قاندىرادى.
ۇيقىدان ويانا سالىسىمەن «كوڭىلدى نوتادان» قالاعان ءانىڭىزدى تىڭدايسىز. «سىرلاسۋ» كلۋبىنىڭ حابارلارى جۇرەك قىلىن شەرتەدى. ء«ان سالايىقتا» جاندى داۋىسپەن ايتاتىن انشىمەن قوسىلىپ شىرقاي الاسىز. سىرشىل اقىن قالقامان سارين جۇرگىزەتىن ءبىر ساعاتتىق «قاۋىرسىن قالام» حابارىنىڭ قالاي ءوتىپ كەتكەنىن دە بىلمەي قالاسىز. ال اقىن قىزىمىز ءنازيرا بەردالىنىڭ «پوەزيا ساعاتى» مەن جۋرناليستەر ەلميرا ءالىمسارىنىڭ, عاليا ەسقۇلوۆانىڭ ارنايى حابارلارى كوڭىل كوكجيەگىڭدى كەڭەيتىپ, عاجاپ اسەرگە بولەيدى. جەكسەنبى سايىن بەرىلەتىن «كوڭىل كوزى» حابارىنىڭ اسەرى ءتىپتى عاجاپ. قىسقاسى, قازاق راديوسىن تىڭداڭىز, ەش وكىنبەيسىز, اعايىن.
كارىباي امزە ۇلى, زەينەتكەر تۇركىستان وبلىسى
...ساقتاندىرادى
ەستى ءسوز ەسكىرمەيدىاۋىلداعى بازارى مول, باقىتتى بالالىق شاققا نە جەتسىن. تاڭنىڭ اتىسى, كۇننىڭ باتىسى ويىن قۋىپ قانا قويماي, قولىمىزدان كەلگەنشە ءۇي شارۋاسىنا دا كومەكتەستىك. ەسىمىز كەتىپ, ەسىرىپ جۇرگەندە ەستە قالارلىق ساتتەر دە مول بولدى.
زامان وزگەردى, اۋزىنان انا ءسۇتى كەپپەگەن, بەلىنەن بەسىك تابى كەتپەگەندەردىڭ ءوزى قازىر كومپيۋتەر مەن ۇيالى تەلەفونعا, ءبىر سوزبەن ايتقاندا گادجەتتەرگە ءۇيىر. قىزىق كورىپ, ولاردى وسىعان ۇيرەتىپ جۇرگەن دە ءوزىمىز ەمەس پە دەگەن وي كەلەدى. بالالى ءۇي بازار ەمەس پە ەدى. ۋ-شۋ قالدى, تىپ-تىنىش, ءتىپتى نەمەرەلەرىمىز سويلەۋدەن قالدى دەسە دە بولادى.
مامانداردىڭ ايتۋىنشا, بوس ۋاقىتىن تەك گادجەتتەرمەن وتكىزەتىن بالالاردىڭ كورۋ قابىلەتىنىڭ ناشارلاۋىنا, ءتىلىنىڭ دامۋىنا, ساباق ۇلگەرىمىنىڭ تومەندەۋىنە, جۇيكەنىڭ جۇقارۋىنا, الەۋمەتتىك بەيىمدەلمەۋىنە, ءارتۇرلى اۋرۋلارعا شالدىعۋىنا سەبەپكەر بولادى ەكەن...
فرانتسۋز ويشىلى جان-جاك رۋسسو كەزىندە «بالاڭ اقىلدى ءارى ەستى بولسىن دەسەڭ, دەنى ساۋ, مىقتى ەتىپ ءوسىر. ول جۇمىس ىستەسىن, ارەكەتتەنسىن, جۇگىرسىن, ايقايلاسىن, تىنىمسىز قيمىل ۇستىندە بولسىن», دەيدى. ەستى ءسوز ءاماندا ەسكىرمەيدى.
سوۆەت حاميت ۇلى, ەڭبەك ارداگەرى كوكشەتاۋ
...اسەرىمەن بولىسەدى
جاستار جيناعى جارىققا شىقتى«رۋحاني قازىنا» باعدارلاماسىنىڭ «تۋعان جەر» ارنايى جوباسى اياسىندا اقتوبە وبلىسى اكىمىنىڭ باستاماسىمەن, مادەنيەت, ارحيۆتەر جانە قۇجاتتاما باسقارماسىنىڭ قولداۋىمەن, وڭىردەگى جاس تالانتتاردىڭ «اق ايدىن» جىر جيناعىنىڭ تۇساۋى كەسىلدى. جيناقتى قۇراستىرعان س.جيەنباەۆ اتىنداعى جاسوسپىرىمدەر كىتاپحاناسى. ۇزىن سانى 62 اۆتوردان پروزالىق جانە پوەزيالىق شىعارمالار كەلىپ ءتۇستى. ولاردى ولكەلىك بەلگىلى اقىن-جازۋشىلار ىرىكتەپ, 50 اۆتوردىڭ شىعارمالارىن تاڭداپ الدى.
جاس تالاپكەر اقىنداردان ەسەنبەك جۇماعاليەۆ, اقتولقىن نازارباەۆا, اقىلگەك مىرزاباي, قازىبەك امانجول ۇلى, ميحايل دۋدنيك, جومارت بايمۇحان, اينابەك جەتكىرباەۆ, اقنيەت جەتكىرباي, جانگۇل سەمباەۆا, نۇرسەرىك تاۋەكەلوۆ, ايىمگۇل شاكي, قۋانىش تولەۋليەۆ سەكىلدى ورەندەر جيناقتا جاريالانعان ءوز شىعارمالارىن جۇرتشىلىققا وقىپ بەردى.
كىتاپحانادا تۇراقتى تۇردە جاساقتالاتىن, جەرگىلىكتى اقىنداردىڭ شىعارمالارى قويىلعان «ولەڭ كەرنەپ بارادى جۇرەگىمدى» اتتى كىتاپ كورمەسى اشىلىپ, جاس اقىنداردىڭ شىعارمالارى ناسيحاتتالادى.
ءۇرجان قۇرمانقىزى, س.جيەنباەۆ اتىنداعى وبلىستىق جاسوسپىرىمدەر كىتاپحاناسى ديرەكتورىنىڭ ورىنباسارى اقتوبە
...وي قوزعايدى
بالالاردى قۋانتا بىلەيىكبالالار ءۇيى كادىمگى مەملەكەتتىك مەكەمە. كيىم-كەشەك, ازىق-ت ۇلىككە بولىنەتىن قاراجات جەتكىلىكتى ءارى ساپالى زاتتارمەن قامتاماسىز ەتىلگەن. سوندىقتان بالالار ۇيىنە كيىم-كەشەك, ازىق-ت ۇلىك اكەلۋدىڭ قاجەتى جوق. اكەلسەڭىز ولار جوق بولىپ كەتۋى ابدەن مۇمكىن. مەرەكە كەزدەرىندە مۇنداي دۇنيەلەر ءتىپتى كوبەيەدى. ال ونىڭ ءبارى ۇستاعاننىڭ قولىندا, تىستەگەننىڭ اۋزىندا كەتەدى. ساۋاپ – تاماق بەرۋمەن, كيىندىرۋمەن شەكتەلمەيدى.
بالالار ۇيىنە قايىرىمدىلىق جاساعىڭىز كەلسە, ولاردى تەك قۋانتىڭىز. مۇمكىندىك بولسا كينوتەاترعا اپارىپ مۋلتفيلم كورسەتىڭىز, بولماسا مەيرامحاناعا اپارىپ تاماقتاندىرىڭىز دا ارنايى جەرلەرگە اپارىپ ويناتىڭىز. ارينە بۇل كوپشىلىكپەن بىرىگىپ جاسالاتىن ءىس. ءتىپتى بولماسا, كەلىپ كونتسەرتتىك ءىس-شارا ۇيىمداستىرىپ بەرىڭىزدەر. جاقسى كوڭىل كۇي سىيلاۋ – ولارعا ۇلكەن قۋانىش. باسقا كوپ ەشتەڭە قاجەت ەمەس.
ال مىناۋ قوعامدا قانشاما تۇرمىسى تومەن وتباسى بار. ولار كوڭىل كۇي, قۋانىشقا كەندە ەمەس, كەرىسىنشە ماتەريالدىق قاجەتتىلىكتەر جەتىسپەيدى. ازىق-ت ۇلىكتى وسىنداي وتباسىلارعا بەرسەڭىزدەر, قۋانىش پەن شىن ىقىلاستى الا الاسىز. ءبىر ورتا قۋانىش پەن كوڭىل كۇيدى قالايدى, ءبىر ورتا شىن كومەكتى قالايدى. سونى اجىراتا بىلەيىكشى...
نۇربول حاناعات الماتى