پارلامەنت سەناتىنىڭ توراعاسى قاسىم-جومارت توقاەۆ شۆەيتساريا كونفەدەراتسياسىنىڭ ەلشىسى ۋرس ءشميدتى قابىلدادى.
ق. توقاەۆ قازاقستاننىڭ ەۋروپاداعى ساۋدا, ينۆەستيتسيا جانە سىرتقى ساياساتتاعى ماڭىزدى ارىپتەسى بولىپ تابىلاتىن شۆەيتساريامەن ەكىجاقتى قاتىناستارىنىڭ قارقىندى سيپاتىن اتاپ ءوتتى. سەنات توراعاسى ەكى ەلدىڭ زاڭ شىعارۋ ورگاندارىندا جۇمىس ىستەيتىن دوستىق توپتارى سىندارلى ءرول اتقاراتىن پارلامەنتارالىق ۇنقاتىسۋدىڭ بارىسىن جوعارى باعالادى. قازاقستان مەن شۆەيتساريا پارلامەنتشىلەرى حالىقارالىق پارلامەنتتىك ۇيىمداردا, ونىڭ ىشىندە ەقىۇ پارلامەنتتىك اسسامبلەيا اياسىندا تابىستى ىنتىماقتاسىپ كەلەدى.
ەلشى الداعى 9-12 شىلدەدە ەكونوميكالىق ىنتىماقتاستىقتىڭ ماسەلەلەرىن قاراستىرۋ جانە تالقىلاۋ ءۇشىن كەلەتىن ەكونوميكا, ءبىلىم جانە زەرتتەۋلەر ءمينيسترى يوحانن شنايدەر-اممان باستاعان ساۋدا-ينۆەستيتسيالىق دەلەگاتسياسىنىڭ ساپارى تۋرالى حاباردار ەتتى. قازاقستاننىڭ ەۋرازياداعى ءرولى مەن ورنىن ەسكەرە وتىرىپ, بەرندە بۇل ساپارعا باسا نازار اۋدارىپ وتىر.