كەشە استانا قالاسىندا ءبىلىم جانە عىلىم مينيسترلىگى جانە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ قولداۋىمەن كوپتىلدىلىكتى دامىتۋعا جانە ءبىلىم بەرۋدىڭ جاڭارتىلعان مازمۇنىنا بايلانىستى وقۋ-ادىستەمەلىك كەشەندەردى ناسيحاتتاۋعا ارنالعان.
ەلوردا تورىندە وسىمەن ەكىنشى مارتە ۇيىمداستىرىلىپ وتىرعان يگى شاراعا قازاقستاننىڭ تۇكپىر-تۇكپىرىنەن 500-گە تارتا ۇستاز قاتىسىپ, شەتەلدىك ادىسكەرلەر ءدارىس وقىدى. «ەdustream» ءبىلىم بەرۋ كومپانياسى ۇيىمداستىرعان كونفەرەنتسياعا اعىلشىن ءتىلى ءپانىنىڭ مۇعالىمدەرىنەن بولەك, قاناتقاقتى جوباعا ەنگەن مەكتەپتەردىڭ فيزيكا, بيولوگيا, حيميا, ينفورماتيكا پاندەرىنىڭ وقىتۋشىلارى دا قاتىستى. سونداي-اق القالى جيىن اياسىندا «ەكىنشى سىنىپ وقۋشىلارىنا ارنالعان ەكىنشى ءتىل: ويناۋعا ۇيرەتۋ» بايقاۋىنىڭ جەڭىمپازدارى ماراپاتتالدى.
«ەdustream» كومپانياسىنىڭ قىزىلوردا قالاسى بويىنشا ادىسكەرى دينا مەدەتبەكقىزى ايتىپ وتكەندەي, اعىلشىن تىلىندەگى وقۋلىقتار مەن وقۋ-ادىستەمەلىك كەشەندەردى جەتىلدىرۋ ماسەلەلەرىن تالقىلاۋعا ارنالعان بۇل كونفەرەنتسيا ەلىمىزدەگى ەندى جۇزەگە اسىپ كەلە جاتقان جاڭا جوبالارعا قارقىن بەرەدى.
«جەكەلەگەن پاندەردى بىرىڭعاي اعىلشىن تىلىندە وقىتاتىن پيلوتتىق مەكتەپتەر اعىمداعى جارتى جىلدىقتا اتالعان جوبانى وسى وقۋلىقتاردىڭ كومەگىمەن باستاپ كەتتى. قازاق حالقىنىڭ سالت-ءداستۇرى, ادەت-عۇرپى, تاريحىمەن ادەبيەتىنەن مول ماعلۇمات بەرەتىن وقۋلىقتاردىڭ بولاشاق ۇرپاققا اعىلشىن ءتىلىن ۇيرەتۋدە ماڭىزى وتە زور», دەيدى ادىسكەر د.سادىرباەۆا.
ميراس اسان,
«ەگەمەن قازاقستان»