ورالدا قاراقشىنى قۇرىقتادى

ورال قالالىق ءىىد تەرگەۋ باسقارماسىنىڭ جۇرگىزۋشىسى پوليتسيا اعا سەرجانتى عابيت نۇعمانوۆ سول كۇنى قىزمەت بابىمەن قالادا كولىكپەن كەلە جاتىپ, بەلگىسىز بىرەۋدىڭ كوشەدەگى ۇيلەردىڭ ءبىرىنىڭ قاقپاسىنان ىرشىپ ءتۇسىپ جۇگىرىپ بارا جاتقانىن بايقايدى. ونىڭ بۇل جۇگىرىسىنە كۇدىكپەن قاراعان ءتارتىپ ساقشىسى ونى بىرەۋدەن قورقىپ قاشىپ بارا جاتىر نەمەسە بىردەڭە ءبۇلدىرىپ قوي­عان بولسا كەرەك دەپ, ىزىنە ت­ۇ­سەدى. ءبىر كەزدە الگى ادام ۇي­لەر­دىڭ جانىندا ورنالاسقان گاراجداردىڭ اراسىنا كىرىپ كەتەدى.

كەنەت ول ىزىنەن قالماعان ءتارتىپ ساقشىسىن قولىنداعى قارۋىمەن اتىپ جىبەرمەكشى بولادى. عابيت بۇعىپ ۇلگەرەدى. سوسىن باسىن كوتەرىپ قاراسا, اناۋ ودان ءارى جۇگىرىپ بارادى. بۇل دا قايتادان قالماي ارتىنان جۇگىرەدى. سوڭىنان قۋىپ جەتۋگە قالعان پوليتسيا قىزمەتكەرىنە الگى كۇدىكتى «باۋىرىم, مەنى جى­بەر, قۋما ارتىمنان!» دەپ ودان ءارى قاشا جونەلەدى. عابيت بۇل ادام­نىڭ قانداي دا ءبىر ىسكە دۋشار بولعانىن سەزىپ, ارتىنان قال­ماۋعا تىرىسادى. بىراق ءبىر ساتكە كۇدىكتىنىڭ كوزىنەن تاسالانا قالادى. سوسىن ونىڭ وسى اينالادان الىسقا ۇزامايتىنىن سەزگەن ءتارتىپ ساقشىسى دەرەۋ ءوز ارىپتەستەرىن كومەككە شاقىرادى. ارتىنان ءبارى انىقتالادى.

كۇدىكتى سول كۇنى المازوۆ كو­شەسىنىڭ بويىنداعى ۇيلەردىڭ بىرىنە كىرىپ, ءۇي يەسىن اڭشىلىق قارۋىمەن قورقىتىپ, اقشاسى مەن باعالى التىن بۇيىمدارىن توناپتى. قاشىپ بارا جاتقان كەزىندە ونى پوليتسيا اعا سەرجانتى ع.نۇعمانوۆ بايقاپ قالادى. وسىلايشا دەر كەزىندە كۇدىكتى ۇستالىپ, ورال قالاسىنىڭ ۋا­قىت­شا ۇستاۋ يزولياتورىنا قا­مال­دى. تەرگەۋ بارىسىندا 48 جاسار كۇدىكتىنىڭ بۇرىن سوتتى بولعانى انىقتالدى. ورال قالالىق سوتى­نىڭ ۇكىمىمەن اعىمداعى جىل­دىڭ ماۋسىم ايىندا التى جىل­عا باس بوس­تاندىعىنان ايىرىلدى.

ال قىزمەت اتقارۋ كەزىندە قى­­راعىلىق تانىتىپ, قىلمىس­كەردىڭ تايانعان قارۋىنا تايسالماي, قايسارلىق كورسەتكەن اعا سەر­جانت عابيت نۇعمانوۆ ءىىد باس­شىلىعى تاراپىنان ما­راپاتتاۋعا ۇسىنىلدى.

اسىلاي عۇباشەۆا,

بقو ءىىد ءباسپاسوز قىزمەتكەرى