اتبەگىلىككە قىزىعۋشىلىق تانىتاتىنداردىڭ قاتارى كوپ بولعانىمەن, ات باپتاۋ ءىسى ەكىنىڭ ءبىرىنىڭ قولىنان كەلە بەرمەيتىن دۇنيە.
دەگەنمەن, اۋدانىمىزدىڭ كوكتەرەك اۋىلدىق وكرۋگىندەگى ات باپتاۋ ىسىنە ىنتالى ازاماتتاردىڭ قاتارى ارتىپ كەلەدى. سولاردىڭ قاتارىندا كوكتەرەكتىك نۇربولات ادەتوۆ پەن اناربەك جايلاۋباەۆتاردىڭ ەسىمدەرىن اتاپ ايتۋعا بولادى. اتبەگىلەردىڭ تىنىس-تىرشىلىگىمەن تانىسۋدىڭ ءساتى اۋدان اكىمى ابات شىنىبەكوۆپەن بىرگە مال قىستاقتارىن ارالاعان كەزدە ءتۇستى.
شاعىن عانا ورازعالي اۋىلىندا «اقجول» شارۋا قوجالىعىن قۇرىپ, اتاكاسىپتى جانداندىرىپ وتىرعان اعايىندى قولعانات پەن نۇربولات ادەتوۆتەر ءتورت ت ۇلىك مال ءوسىرىپ قانا قويماي, تەكتى جانۋار جىلقىعا ەرەكشە كوڭىل بولەدى. وسى جىگىتتەردىڭ ات قوراسىندا جوعارى قاندى جانە اسىل تۇقىمدى اعىلشىن جىلقىلارى باعىلۋدا.
اتبەگى نۇربولاتتى اڭگىمەگە تارتقانىمىزدا ءبىزدىڭ اتقورادا 15 بايگە اتى باپتالىپ كۇتىلۋدە. وسى جىلقىلاردىڭ كوبىن رەسەي جەرىنەن ساتىپ الدىق. كەيىن ءوزىمىزدىڭ ەلىمىزدەگى تەكتى جىلقىلاردىڭ ق ۇلىندارىن دا الدىق. بايگە اتتارىن باپتاۋدى قاڭتار ايىنىڭ باسىنان باستايمىز. قىستاعى دايىندىق مىقتى بولسا, سايگ ۇلىك جازدا بايگە بەرمەيدى, ال كوكتەم ايىنان باستاپ دايىندالعان ات تەز القىنىپ قالادى, دەيدى. سول سەبەپتى قىس ايى ات باپتاۋدىڭ ناعىز تاپتىرماس ۋاقىتى. اتتىڭ قىرىن بىلەتىن ادام عانا اتتىڭ جان دۇنيەسىن تۇسىنەدى, دەدى.
سونىمەن قاتار بۇل قوجالىقتا قازاتىڭ ەدىلباي قويىن ءوسىرۋدى دە دۇرىس جولعا قويعان ەكەن. اۋدانىمىزداعى اسىل تۇقىمدى مال وسىرۋمەن اينالىساتىن «قامقور» شارۋا قوجالىعىنان 400 باس ەدىلباي توقتىلارىن ساتىپ العان. تاعى ءبىر بايقاعانىمىز ەڭبەكقور ازاماتتار مال بورداقىلاۋدى دا قولعا العان ەكەن. ارنايى ورىندا 20 باس ءىرى قارانى جەمدەپ وتىر.
جىلقى دەسە ىشكەن اسىن جەرگە قوياتىن اتبەگىلەردىڭ ءبىرى, «تولەگەن» شارۋا قوجالىعىنىڭ جەتەكشىسى – اناربەك جايلاۋباەۆ دەگەن ازامات. سارىوزەن بويىنداعى كوكتىكەن قىستاعىندا ورنالاسقان اعامىزدىڭ شارۋاشىلىعىندا جىلقى مالىنا ارناپ جاڭا ۇلگىدەگى ات قورا سالىنعان. بۇل قورادا 10 اسىل تۇقىمدى اعىلشىن اتتارى باپتالۋدا.
– ەگەر تۇلپاردىڭ قانىندا تەكتىلىگى بولسا, ول بايگە بەرمەيتىنى انىق. سول سەبەپتەن شامامىز كەلگەنشە اسىل تۇقىمدى جىلقىلاردى باپتايمىز. اتبەگىنىڭ سوزىنە سۇيەنسەك, جىلقىنىڭ جاقسىسى تاماقتى دا تالعاپ جەيتىن كورىنەدى. ياعني شىن جۇيرىك بايگە الدىندا قانشا جەم بەرسەڭ دە, تەك مولشەرىمەن جەپ, ءوز-ءوزىن الامانعا دايىندايدى ەكەن. بۇل جىلقى مالىنىڭ ەرەكشە قاسيەتى, – دەيدى اتبەگى.
بۇدان باسقا اناربەكتىڭ شارۋاشىلىعىندا 200 باس ءىرى قارا, 100 باس جىلقى, 1500-گە تارتا قوي وسىرىلۋدە. سونداي-اق جاڭا مال قورانىڭ دا قۇرىلىسىن باستاپ قويعان.
مىنە, ءبىز وسىنداي جاراسىمدى تىرلىكتىڭ كۋاسى بولدىق.
قايرات جاقىپ,
باتىس قازاقستان وبلىسى,
قازتالوۆ اۋدانى