قىزىلوردا قالاسىنىڭ اكىمى نۇرلىبەك نالىبەكوۆ ارداگەر اقساقالداردى مەرەيتويلارىمەن قۇتتىقتادى دەپ حابارلايدى «Egemen.Kz» ءتىلشىسى.
«قازاقستاننىڭ قۇرمەتتى ءجۋرناليسى», «ەگەمەن قازاقستاننىڭ» ۇزاق جىلدار بويى قىزىلوردا وبلىسىندا مەنشىكتى ءتىلشىسى بولعان جاپپارحانوۆ وتەگەن اقساقال سەكسەننىڭ سەڭگىرىنە شىقتى. ال, «قىزىلوردا وبلىسىنىڭ قۇرمەتتى قايراتكەرى» جانە «ارال اۋدانىنىنىڭ قۇرمەتتى ازاماتى», «قۇرمەت بەلگىسى» وردەنىنىڭ, «ەڭبەك ەرەنى» مەدالىنىڭ يەگەرى شاپشانوۆ قۋانىشقالي راحمانبەردى ۇلى مەن «ەڭبەكتەگى ەرەكشە ەڭبەگى ءۇشىن», «ەڭبەك ارداگەرى» مەدالدارىنىڭ يەگەرى قۇدايبەرگەنوۆ امانگەلدى سەيدالى ۇلى 75 جاسقا تولىپ وتىر.
- وسى سالتاناتتى ءساتتى پايدالانا وتىرىپ, بۇگىنگى جاستارعا ارتقان سەنىمدەرىڭىز ءۇشىن, ايتقان اقىلدارىڭىز بەن ۇلگى بولار ونەگەلى ىستەرىڭىز ءۇشىن شەكسىز العىسىمىزدى ايتامىن. ءبىز سىزدەردىڭ ونەگەلى ءومىر جولدارىڭىز بەن ەلىمىزدىڭ ەرتەڭى ءۇشىن جاساعان بار يگىلىكتى ىستەرىڭىزدىڭ الدىندا باسىمىزدى يەمىز,-دەگەن قالا اكىمى, مەرەيتوي يەلەرىن قىزىلوردا قالاسىنىڭ «قۇرمەت گراموتاسىمەن» ماراپاتتادى.
باقتيار تايجان,
«ەگەمەن قازاقستان»
قىزىلوردا وبلىسى