«نۇر وتان پارتياسىنىڭ الماتى قالالىق فيليالىنىڭ قولداۋىمەن جامبىل اتىنداعى جاسوسپىرىمدەر كىتاپحاناسىنىڭ جانىنان «جاس وركەن» جاستار ورتالىعى اشىلدى.
ەلباسىمىزدىڭ «بولاشاققا باعدار: رۋحاني جاڭعىرۋ» دەپ اتالاتىن باعدارلامالىق ماقالاسىنان تۋىنداعان ورەلى ويدى اشۋعا مۇمكىندىك بەرۋ ماقساتىندا قالا جاستارىن بوس ۋاقىتتارىندا ءبىر-بىرىمەن سىرلاسىپ, وركەندى بولاشاققا سۇبەلە ۇلەس قوسۋعا شاقىراتىن ورتالىقتىڭ ءتيىمدى ەكەنى ءسوزسىز. بۇل ورتالىقتا جاستار اۋقىمدى شارالار وتكىزۋگە مۇمكىندىك اشاتىن بولادى. قازاقتىڭ ازاتتىق جولىنا ءتۇسىپ, تاۋەلسىزدىگىن جاريالاعانىنا 26 جىل ىشىندە ەلىمىزدىن رۋحاني-مادەني,قوعامدىق-ساياسي ومىرىنە وزدەرىنىڭ ۇلەستەرىن قوسۋعا ەلىمىزدىڭ اتىن ءتۇرلى سپورتىق شارالاردا شىعارعان ونەر جانە شىعارماشىلىق ادامدارى,زيالى قاۋىم وكىلدەرى ساياساتكەرلەر,كاسىپكەر, ءتۇرلى ماماندىق يەلەرىمەن سىرلاساتىن,پىكىر الىساتىن ,رۋحتارىن كوتەرەتىن كەزدەسۋلەرگە كەلەلى اڭگىمەلەرگە مۇمكىندىك بەرەتىن ورتالىق بولادى.
بۇل «100 جاڭا ەسىم» تاۋەلسىزدىك تۋدىرعان, ەلباسىنىڭ سارابدال ساياساتى تانىتقان مەرەيى ۇستەم جوبا. وسى ايشىقتى ەسىممەن سىر-سۇحبات قۇراتىن ورتا بولۋعا مەرەي بەرەتىن, سوعان ايتۋلى الاڭ بولاتىن جەرگە ەندى جاستار ورتاسى ەسىگىن ايقارا اشادى.بۇگىنگى كۇن تارتىبىندەگى وزەكتى ماسەلە لاتىن ءالىپ كوشۋ. ەلباسىمىزدىڭ بەلگىلەپ كورسەتكەنىندەي لاتىن قارپىنىڭ تۇرىك حالىقتارىنىڭ جاقىنداي تۇسۋىنە كەڭ جول اشادى.ەلەكتروندى كىتاپحانا سان عاسىرلىق تاريحى بار قورىنا ادەبي جادىگەرلەر مەن تاريحي شىعارمالاردى سول لاتىن قارپىنە باسىپ, ءۇش تۇعىرلى ءتىل ساياساتى نەگىزىندە راسىمدەۋ بولسا كەرەكتى.»جاس وركەن» ورتالىعىندا بۇل ىستەرگە تولىعىمەن جاعداي جاسالادى دەپ ويلايمىز.
«جاس وركەن» ورتالىعىنىڭ اشىلۋىندا «نۇر وتان» پارتياسى الماتى قالالىق فيليالى توراعاسىنىڭ ورىنباسارى الماجان باقتىورازوۆا, «نۇر وتان» پارتياسى جانىنداعى «جاس وتان» جاستار قاناتىنىڭ الماتى قالالىق فيليالىنىڭ توراعاسى دۋلات قاسىموۆ جاستار ورتالىعىنا تابىس تىلەپ,ءوز زامانداستارىنا جاڭا ىستە ساتتىلىكتەر تىلەدى.
ساپارباي پارمانقۇل,
«ەگەمەن قازاقستان»
الماتى