قازاقستان پارلامەنتى سەناتىنىڭ دەپۋتاتتارى تولەۋبەك مۇقاشەۆ پەن ساۋلە ايتپاەۆا 23-27 ساۋىردە ەۋروپا كەڭەسى پارلامەنتتىك اسسامبلەياسىنىڭ جىل سايىنعى سەسسياسىنىڭ ستراسبۋرگتە بولعان ەكىنشى بولىگىنە قاتىستى.
ەكپا سەسسياسىنىڭ كۇن تارتىبىنە ليۆياداعى جاعدايعا, كليمات جونىندەگى پاريج كەلىسىمىن ىسكە اسىرۋعا, يشيم تەرروريستىك توپتى قارجىلاندىرۋعا قارسى ءىس-قيمىلعا, ۇيىمداسقان قىلمىس پەن گيبريد سوعىسپەن كۇرەسكە, ەۋروپاداعى جۋرناليستەردىڭ مارتەبەسىنە بايلانىستى ماسەلەلەر ەنگەن بولاتىن. سونداي-اق «ەكپا-دا سىبايلاس جەمقورلىق وقيعالارى تۋرالى تاۋەلسىز تەرگەۋ ورگاندارىنىڭ بايانداماسىنا بايلانىستى شارالار» جانە «كوپەنگاگەن دەكلاراتسياسى, باعالاۋ جانە ودان كەيىنگى شارالار» تاقىرىپتارى بويىنشا جەدەل پىكىرسايىستار دا ۇيىمداستىرىلدى. سيرياداعى بىتىمگەرلىك باستامالارىنداعى ەۋروپانىڭ رولىنە ارنالعان جەكە پىكىرتالاس بولدى.
24-25 ساۋىردە قازاقستان سەناتورلارى ەكپا ساياسي ماسلەلەر جانە دەموكراتيا جونىندەگى كوميتەتىنىڭ جۇمىسىنا قاتىستى. ت. مۇقاشەۆ پەن س. ايتپاەۆانىڭ سوزدەرى تەرروريزمدى ناسيحاتتاۋعا قارسى ءىس-قيمىل ماسەلەلەرىنە ارنالدى.
اسسامبلەيا الاڭدارىندا قازاقستاننىڭ پارلامەنتتىك دەلەگاتسياسى ەۋروپا سولشىلدارىنىڭ بىرلەسكەن توبىنىڭ دەپۋتاتتارى تيني كوكس جانە حەنك وۆەربيكپەن (نيدەرلاندى), سونداي-اق اندرەي حۋنكومەن (گفر), ەۋروپا كونسەرۆاتورلارى توبىنىڭ توراعاسى يان ليددەل-گرەيندجەرمەن ( ۇلىبريتانيا), ەۋروپانى جاقتايتىن ليبەرالدار مەن دەموكراتتار اليانسىنىڭ مۇشەسى جوردي چۋكلامەن (يسپانيا), بەلارۋس ۇلتتىق جينالىسى وكىلدەر پالاتاسىنىڭ مۇشەسى اندرەەم ناۋموۆيچپەن جانە ەلەنا انيسيممەن كەزدەستى.
اڭگىمە بارىسىندا قازاقستاننىڭ ەۋروپا كەڭەسى مەن ەكپا-مەن ىنتىماقتاستىعىنىڭ جاي-كۇيى جانە باسىمدىقتارى تالقىلاندى. جۇزدەسۋشىلەر قازاقستاننىڭ ساياسي جانە الەۋمەتتىك جاڭعىرۋ باعدارلاماسى تۋرالى حاباردار بولدى. كەزدەسۋ سوڭىندا تاراپتار قازاقستان مەن ەۋروپا كەڭەسىنىڭ اراسىنداعى پارلامەنتارالىق ىنتىماقتاستىق ساياسي ۇنقاتىسۋ مەن ءتۇرلى سالاداعى ەكونوميكالىق ءىس-قيمىلدى نىعايتۋعا ىقپال ەتەتىنىنە سەنىم ءبىلدىردى.