وسكەمەندەگى سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىندە وبلىستىق تىلدەردى دامىتۋ جونىندەگى باسقارماسىنىڭ شىعىس قازاقستان لينگۆيستيكالىق ورتالىعى ۇلتتىق تەستىلەۋ ورتالىعىمەن بىرلەسىپ قازتەست جۇيەسى بويىنشا قازاق ءتىلىن مەڭگەرۋ دەڭگەيىن انىقتاۋ ماقساتىندا وبلىستىق دەپارتامەنتتەر مەن باسقارمالار, قالالىق, اۋداندىق مەملەكەتتىك مەكەمەلەر مەن مەملەكەتتىك قىزمەت كورسەتۋ ۇيىمدارىنىڭ (دەنساۋلىق, ءبىلىم بەرۋ, پوشتا, حقكو, اسكەري ءبولىم) قىزمەتكەرلەرىنە تەست تاپسىرتۋدا.
شىعىس قازاقستان لينگۆيستيكا ورتالىعى ديرەكتورىنىڭ مىندەتىن اتقارۋشى ەلۆيرا ەركىنبەكقىزىنىڭ ايتۋىنشا, 26-28 ءساۋىر كۇندەرى ءوتىپ جاتقان تەستىلەۋگە وسكەمەن, سەمەي, ريددەر, كۋرچاتوۆ قالالارى مەن اياگوز, بەسقاراعاي, بورودۋليحا, گلۋبوكوە, زىريان, كاتونقاراعاي, كوكپەكتى, تارباعاتاي, شەمونايحا اۋداندارىنان 5358 ادام قاتىسىپ, ونىڭ 1186-سى سەرتيفيكات الۋعا ىقىلاس تانىتىپتى. «ەلباسىنىڭ جارلىعىمەن بەكىتىلگەن تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىندا قازتەست جۇيەسىنە باسىمدىق بەرىلگەن. قازتەست - ەل ازاماتتارىنىڭ مەملەكەتتىك ءتىلدى مەڭگەرۋ دەڭگەيىن باعالايتىن بىردەن-ءبىر جۇيە. ءبىزدىڭ وبلىسىمىز جوعارىدا اتالعان مەملەكەتتىك باعدارلاماداعى مىندەتتەردى جۇزەگە اسىرۋعا بەلسەنە قاتىسىپ كەلەدى. تەستكە قاتىسۋعا نيەت بىلدىرگەن ازاماتتارعا ءتىل وقىتۋ ورتالىقتارى تاراپىنان تەستتىڭ قۇرىلىمى مەن مازمۇنى جانە تەستىلەنۋشىلەرگە قويىلاتىن تالاپتار جونىندە جان-جاقتى ءتۇسىندىرىلىپ, تولىق اقپارات بەرىلگەن», - دەيدى ول.
قازتەست جۇيەسى بويىنشا تەست تاپسىرۋعا نيەتتى ادامداردىڭ سانى دا جىل سايىن ارتىپ كەلەدى. «اتالعان تەستىلەۋ تەك وتانداستارىمىزعا عانا ەمەس, قازاقستاندا جۇمىس ىستەپ جۇرگەن شەت ەل ازاماتتارىنا دا مەملەكەتتىك ءتىلدى مەڭگەرۋگە سەپتىگىن تيگىزەدى. قازتەست ارقىلى 2020 جىلعا قاراي مەملەكەتتىك ءتىلدى بىلەتىندەردىڭ ۇلەسىن 95 پايىزعا جەتكىزۋ كوزدەلگەن», - دەيدى ۇلتتىق تەستىلەۋ ورتالىعىنىڭ قىزمەتكەرى ءسابيرا ساپينا.
تەستىلەۋگە قاتىسقان ادامدار دا ءوز كەزەگىندە قازتەست جۇيەسىنىڭ ماڭىزدىلىعىن اتاپ ءوتتى. «مۇنداي تەستىلەۋگە العاش رەت قاتىسىپ وتىرمىن. ءوز باسىم ەشقانداي قيىندىقتى سەزىنگەن جوقپىن. اۋديو, لەكسيكا-گرامماتيكا جانە وقۋ سەكىلدى ءۇش تاپسىرمادان تۇراتىن دياگنوستيكالىق تەستىلەۋدى تاپسىردىم. بولاشاقتا قازتەست جۇيەسى بويىنشا سەرتيفيكات العىم كەلەدى. ءاربىر قازاقستاندىق مەملەكەتتىك ءتىلدى قانشالىقتى دارەجەدە بىلەتىنىن اركەز تەكسەرىپ وتىرعانى ءجون. بۇل – ءبىزدىڭ ازاماتتىق پارىزىمىز», - دەيدى وسكەمەن قالاسىنىڭ تۇرعىنى, جەرگىلىكتى وڭالتۋ ورتالىعىنىڭ پسيحولوگى ءالىبي رىسپاەۆ. ال وبلىستىق ىشكى ىستەر دەپارتامەنتى قىزمەتكەرى جانار ابدىقالىقوۆا بۇل شارا مەملەكەتتىك ءتىلدىڭ قولدانۋ اياسىن كەڭەيتەتىن ماڭىزدى قادامداردىڭ ءبىرى دەپ سانايدى. ء«وزىم مەملەكەتتىك قىزمەتكەر رەتىندە ءبىرىنشى رەت وسى تەستتى تاپسىردىم. بۇل تەك مەملەكەتتىك قىزمەتكەرلەرگە عانا ەمەس, بارشا قازاقستاندىقتارعا قاجەت, ءمانى زور شارا دەپ بىلەمىن. وسى رەتتە ءوزىمنىڭ ارىپتەستەرىمدى, ەل ازاماتتارىن مەملەكەتتىك ءتىل مارتەبەسىن كوتەرۋگە شاقىرامىن. انا ءتىلىمىزدىڭ تۇعىرىنىڭ بيىكتىگى – ەلىمىزدىڭ, مەملەكەتىمىزدىڭ تۇعىرىنىڭ بيىكتىگى. مەملەكەتتىك ءتىلدى بىلمەيتىن ازاماتتار ءتىلىمىزدى ۇيرەنسە دەيمىن. بۇعان ەلىمىزدە ءتىل ۇيرەنۋگە تولىق جاعداي جاسالعان. تەستىلەۋ دە سونىڭ ءبىر ايعاعى دەپ ويلايمىن», - دەيدى ول.
ازامات قاسىم,
«ەگەمەن قازاقستان»
وسكەمەن