Google كورپوراتسياسى 2011 جىلدان بەرى العاش رەت 11 ميللياردتان استام ادام قولداناتىن الەمدەگى ەڭ تانىمال پوشتا قىزمەتىن جاڭارتتى.
وزگەرىستەر تەك حاتتاردى قولدانۋدى جەڭىلدەتسە, كەيبىر قىزمەتتەر تەك اعىلشىنتىلدى نۇسقادا قولجەتىمدى.
Gmail ۆەب-نۇسقاسىندا جاڭارتىلعان قىزمەتتەردى ۇستىڭگى وڭ جاقتاعى مازىردەن "Gmail-ءدىڭ جاڭا نۇسقاسىن قولدانىپ كورۋ" دەگەندى تاڭداۋ ارقىلى ىسكە قوسۋعا بولادى.
ەڭ ەرەكشە جاڭالىق - حات جازۋ كەزىندە قۇپيالىلىق رەجىمىن قوسۋ. ياعني, بۇل جاعدايدا ءسىز جىبەرگەن حاتتى العان ادام ونى باسقا ادامعا جىبەرە المايدى جانە حاتتى قاعازعا شىعارىپ, جۇكتەپ الۋىنا دا جول جوق. تەك سكرينشوت جاساپ, كومپيۋتەر ەكرانىن فوتوعا ءتۇسىرۋ ارقىلى عانا ساقتاۋعا بولادى. سونىمەن قاتار حاتتى جىبەرگەن ادام ونىڭ جارامدىلىق مەرزىمىن دە بەكىتە الادى. بەلگىلەنگەن ۋاقىت وتكەن سوڭ حاتتى الۋشى ونى قايتا اشا المايدى.
تاعى ءبىر ەرەكشە وزگەرىستەردىڭ ءبىرى - سۋرەتتەر مەن قۇجاتتار جىبەرىلگەن جاعدايدا, ونى حاتقا كىرمەي كورۋ مۇمكىندىگى پايدا بولدى.