1 مامىردا استانادا قازاقستان حالقىنىڭ بىرلىگى كۇنىنە وراي «دوستىق شەرۋى» اتتى ۆەلوشەرۋ وتەدى. جارىس ساعات 13:00-دە «بايتەرەك» مونۋمەنتىنىڭ الدىنداعى الاڭدا باستالادى, قاتىسۋشىلاردى تىركەۋ ساعات 11.00-دە وتكىزىلەدى. مارشرۋتتىڭ ۇزىندىعى – 4100 م. ۆەلوشەرۋگە قاتىسۋشىلار استانانىڭ سول جاعالاۋىمەن ءجۇرىپ وتەدى. سپورتتىق ءىس-شارا استانانىڭ 20 جىلدىعى جانە «رۋحاني جاڭعىرۋ» باعدارلاماسى اياسىندا جۇزەگە اسىرىلادى.
شاراعا الەمدىك دەڭگەيدە ەل نامىسىن قورعاپ جۇرگەن تانىمال ۆەلوشاباندوزدار, بەلگىلى سپورتشىلار, ەتنومادەني بىرلەستىكتەردىڭ وكىلدەرى, سونداي-اق 12-دەن اسقان ەلوردا تۇرعىندارى مەن قوناقتارى قاتىسادى.
مۇنىمەن قوسا, ۆەلوشەرۋگە «استانا» پرەزيدەنتتىك كلۋبىنىڭ «Astana Pro Team» كاسىپقوي كومانداسىنىڭ وكىلى دميتري گرۋزدەۆ تە شاقىرىلدى. سپورتشى قازاقستاننىڭ ءۇش دۇركىن چەمپيونى, سونداي-اق جەكە جارىستا ازيانىڭ ەكى دۇركىن چەمپيونى بولىپ تابىلادى.
ايتا كەتەيىك, الاڭدا ۆەلوسيپەدتەردى جالعا بەرۋ ۇيىمداستىرىلادى, قۇنى – 500-1000 تەڭگە.
جارىس الدىندا كونتسەرتتىك باعدارلاما وتەدى, ءار قاتىسۋشىعا ەنەرگيا مەن جاقسى كوڭىل كۇي سىيلايتىن سپورتتىق جاتتىعۋلار جاسالادى. ۆەلوشەرۋ اياقتالعان سوڭ تىركەلگەن قاتىسۋشىلار اراسىندا ۆەلوسيپەدتەر مەن باسقا دا باعالى سىيلىقتار ويناتىلادى.