بۇل تۋرالى وڭىرلىك كوممۋنيكاتسيالار بريفينگىندە دەنە شىنىقتىرۋ جانە سپورت باسقارماسىنىڭ باسشىسى رۋسلان ەسەنالين مالىمدەدى.
وڭىردەگى تۇڭعىش سپورت كوللەدجى قازىرگى كۇنى جۇمىس ىستەپ تۇرعان وبلىستىق سپورتقا دارىندى بالالارعا ارنالعان مەكتەپ-ينتەرنەت بازاسى نەگىزىندە قۇرىلىپ, 2019-2020 وقۋ جىلىندا بوي كوتەرەدى.
جوبا مەملەكەتتىك-جەكەمەنشىك ارىپتەستىك اياسىندا جۇزەگە اسىرىلادى. 150 ستۋدەنتكە ارنالىپ, 250 ورىندى جاتاقحانا سالىنادى. ورتا ارناۋلى وقۋ ورنىن اشۋ تۋرالى قۇجاتتامالار تولىق ءازىر.
«وبلىستا سپورت جاقسى دامىپ كەلەدى. 120 مىڭعا جۋىق تۇرعىن دەنەشىنىقتىرۋمەن جۇيەلى اينالىسادى. 356 جەرلەسىمىز ەل كوماندالارى قۇرامىندا حالىقارالىق, رەسپۋبليكالىق جارىستاردا ولجا سالىپ الدىمىزدا ساڭلاق سپورتشىلاردىڭ لايىقتى ءىزباسارلارىن دايىنداۋ مىندەتى تۇر», دەيدى دەنە شىنىقتىرۋ جانە سپورت ۆەدوموستۆوسىنىڭ جەتەكشىسى ر. ەسەنالين.
بۇگىندە سپورتقا دارىندى بالالارعا ارنالعان مەكتەپ-ينتەرناتتا وقۋشىلار 7 مەن 11 سىنىپ ارالىعىندا وقيدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.