قۇلاعىنىڭ مۇكىسى بار جانداردان قۇرالعان قۇراما كوماندا شايبالى حوككەيدەن رەسپۋبليكا چەمپيوناتىنىڭ ءۇش دۇركىن جەڭىمپازى اتاندى, دەپ حابارلايدى استانا قالاسى اكىمدىگىنىڭ رەسمي سايتى.
استانا اكىمى اسەت يسەكەشەۆ جەڭىمپازدارمەن كەزدەسىپ, قۇرامانى جەڭىسىمەن قۇتتىقتادى. ەلوردالىق قۇراما كوماندا شايبالى حوككەيدەن وتكەن رەسپۋبليكالىق چەمپيوناتتىن جەڭىمپازى اتاندى.
«سىزدەردى جەڭىستەرىڭىزبەن قۇتتىقتايمىن! سپورتقا قاشاندا رۋحى مىقتى جاندار قۇشتار بولعان. ونىڭ ىشىندە حوككەي ەر ازاماتتاردىڭ ويىنى. سىزدەرگە ەندى الەمدىك جارىستاردا جەڭىس تىلەيمىن», دەدى ءا. يسەكەشەۆ.
جەڭىمپازدارعا گراموتالار, ەستەلىك جانە اقشالاي سىيلىقتار تابىس ەتىلدى. ايتا كەتەيىك, وتكەن چەمپيونات 2019 جىلى يتاليادا وتەتىن سۋردليمپيادا ويىندارىنا قر-نىڭ قۇراما كومانداسىنا ەڭ ۇزدىك سپورتشىلاردى الۋعا سەپتىگىن تيگىزەدى.
«ارينە ءار جەڭىسىمىز ءبىزدىڭ سپورتشىلارعا ۇلكەن قۋانىش جانە العا جىلجۋعا جىگەر بەرەدى. ءوز اتىمنان جانە سپورتشىلار اتىنان مەملەكەتىمىزگە, استانا قالاسى اكىمدىگىنە العىس ايتامىن. ءبىزدىڭ ەندىگى ماقساتىمىز 2019 جىلى يتاليا ەلىندە وتەتىن سۋردليمپيادا ويىندارىندا جۇلدەلى ورىننان كورىنۋ. وعان الەمنىڭ مىقتى قۇراما كوماندالارى قاتىسادى», دەدى شايبالى حوككەيدەن سۋردليمپيادا قۇراماسىنىڭ باس جاتتىقتىرۋشىسى تالعات الپىسوۆ.
شايبالى حوككەيدەن وتكەن قازاقستان رەسپۋبليكاسىنىڭ چەمپيوناتى قۇلاعىنىڭ مۇكىسى بار جاندار اراسىندا ءتورتىنشى رەت ءوتىپ وتىر. العاشقى ويىن 2015 جىلى وتكەن.استانا قالاسىنىڭ قۇراما كومانداسى ءۇشىنشى جىل قاتارىنان جەڭىمپاز اتانىپ وتىر