شىمكەنتتە بالمۇزداقتان ۋلانعانداردىڭ سانى 41 ادامعا جەتتى. بۇل تۋرالى وبلىستىق ءىىد ءباسپاسوز قىزمەتى ءمالىم ەتتى.
پوليتسەيلەردىڭ مالىمەتىنشە قازىر ازاماتتاردىڭ جاپپاي ۋلانۋى بويىنشا قر قىلمىستىق كودەكسىنىڭ 304-بابى بويىنشا قىلمىستىق ءىس قوزعالعان.
«شىمكەنت قالالىق ءىىب ءال-فارابي پوليتسيا بولىمىنە جۇقپالى اۋرۋلار اۋرۋحاناسىنان 41 ادام بالمۇزداقتان ۋلانعانى تۋرالى حابارلاما كەلىپ ءتۇستى. اتالعان جايت ءال-فارابي پوليتسيا بولىمىندە سوتقا دەيىنگى تەرگەۋدىڭ بىرىڭعاي تىزىلىمىنە «سانيتارلىق قاعيدالاردى نەمەسە گيگيەنالىق نورماتيۆتەردى بۇزۋ» بويىنشا تىركەلدى. ساراپتاما تاعايىندالدى. پوليتسەيلەر وقيعانىڭ ءمان-جايىن انىقتاۋدا», دەلىنگەن حابارلامادا.
ەسكە سالايىق, كەشەدەن بەرى شىمكەنت قالاسىندا بالمۇزداق ساتاتىن ءبىر ورىننان ءتاتتى جەگەن 40-تان استام ادام وبلىستىق جۇقپالى اۋرۋلار اۋرۋحاناسىنا وتكىر ىشەك ينفەكتسياسىمەن ءتۇستى.