رەسەي فەدەراتسياسىنىڭ پرەزيدەنتى ۆلاديمير پۋتين كەمەروۆوداعى ورتكە بايلانىستى 28 ناۋرىزدى قارالى كۇن دەپ جاريالاۋ تۋرالى قاۋلىعا قول قويدى. بۇل تۋرالى kremlin.ru حابارلادى.
«2018 جىلعى 25 ناۋرىزدا كەمەروۆو وبلىسىنىڭ كەمەروۆو قالاسىندا بولعان ءورت سالدارىنان كوپ ادام قازا تاۋىپ, زارداپ شەكتى. قايتىس بولعانداردىڭ تۋىستارى مەن جاقىندارىنىڭ قايعىسىنا ورتاقتاسا وتىرىپ, مىناداي قاۋلى شىعارامىن.
1. 2018 جىلعى 28 ناۋرىزدى رف-دا قارالى كۇن دەپ جاريالانسىن.
2. قارالى كۇندە ەلدىڭ بۇكىل اۋماعىندا مەملەكەتتىك تۋ تۇسىرىلەدى.
3. قارالى كۇنى مادەنيەت مەكەمەلەرى مەن تەلەراديوكومپانيالار ويىن-ساۋىق شارالارى مەن باعدارلامالارىن توقتاتۋدى ۇسىنۋ.
4. رەسەي فەدەراتسياسىنىڭ ۇكىمەتى مەملەكەتتىك ورگاندارمەن بىرلەسە وتىرىپ زارداپ شەككەندەردىڭ وتباسىلارىنا كومەك كورسەتۋ ءۇشىن قاجەتتى شارالاردى قابىلدايدى.
5. قاۋلى قول قويىلعان كۇنى كۇشىنە ەنگىزىلەدى», دەلىنگەن حاتتامادا.
ايتا كەتەيىك, 25 ناۋرىز كۇنى رەسەيدىڭ كەمەروۆو قالاسىندا «زيمنيايا ۆيشنيا» ساۋدا ۇيىنەن ءورت شىققان. رەسمي دەرەكتەر بويىنشا 64 ادام قازا تاپتى. ونىڭ 41-ءى بالا ەدى.
قازاقستان پرەزيدەنتى نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينگە كوڭىل ايتۋ جەدەلحاتىن جولداعان بولاتىن.