جاڭا جىلداعى جاڭارۋ

مادەنيەت جانە سپورت ءمينيسترى ارىستانبەك مۇحامەدي ۇلىنىڭ «ەگەمەن قازاقستان» گازەتى بەتىندە ناۋرىز مەيرامىن جاڭاشىل باعىت, ۇلتتىق ۇلگىدە تويلاۋعا قاتىستى جولدانعان بىرقاتار تىڭ ويلارى ۇيىم جۇمىسىنىڭ دا الداعى جوسپارلارىنا ۇلكەن سەرپىن بەرىپ, جاڭا باستامالارعا سەبەپشى بولىپ وتىر. وسى ورايدا اتالمىش ۇسىنىستى قولداۋ جانە جۇزەگە اسىرۋ ماقساتىندا «قازاقكونتسەرت» مەملەكەتتىك كونتسەرت­تىك بىرلەستىگىنىڭ ديرەكتورى جەڭىس سەي­دۋللا ۇلى ونەر ۇجىمىنىڭ الداعى جۇمىس بارىسى مەن «قازاقستان» ورتا­لىق كونتسەرت زالى عيماراتىنىڭ ەرەك­شەلىكتەرىن تانىستىرۋعا ارنالعان پرەسس-تۋر وتكىزىپ, شىعارماشىلىق ويلارىمەن ءبولىستى. الەمدەگى وزىق تەحنولوگيالىق جەتىستىكتەردى ەسەپكە الا وتىرىپ بوي كوتەرگەن ساۋلەتتى عيمارات – «قازاقستان» ورتالىق كونتسەرت زالىنىڭ ىشىندە قىزمەت ەتىپ جاتقان بىرنەشە شىعارماشىلىق ۇجىم جۇمىسى جەكەلەي تانىستىرىلدى. سونىڭ ىشىندە, اسىرەسە, Astana Musical تەاترىنىڭ ساحنا­لىق ىزدەنىستەرى جانە ۇلىستىڭ ۇلى كۇنى ناۋ­رىز مەيرامى مەن ەلوردانىڭ 20 جىل­دىق مەرەيتويىنا وراي 20-27 ناۋرىز ارالىعىندا الماتى قالاسىنا جوسپار­لانعان گاسترولدىك ساپار باعدارلاماسى دا كوپشىلىك نازارىنا ۇسىنىلدى.

Astana Musical – ەلىمىزدەگى جانە ورتالىق ازياداعى تۇڭعىش ماماندان­دىرىلعان ميۋزيكل تەاترى. زاماناۋي تەاتر ونەرى باعىتتارىن ءوز تاجىريبەسىندە ۇتىمدى قولدانىپ جۇرگەن جاس تەاتر بۇگىندە رەسپۋبليكا اۋماعىنان بولەك, فران­تسيا, بەلگيا, اۋستريا, رەسەي سىندى بىرنەشە مەملەكەتتى دە ءوز تالانتىمەن ءتانتى ەتىپ قايتتى. «دوستار سەرتى», «ەر توستىك», «رومەو مەن دجۋلەتتا», «قىز جىبەك» سىندى الەمدىك كلاسسيكا مەن ءتول دراماتۋرگيامىزدىڭ جاۋھار­لارىن دا ءساتتى ساحنالاپ جۇرگەن جاس تەاتردىڭ الماتى قالاسىنا اپارار گاست­رولدىك باعدارلاماسى دا وزىندىك مازمۇنىمەن قىزىقتى. ونەر ۇجىمى, سونداي-اق الداعى ۋاقىتتاعى الەمنىڭ وزىق ميۋزيكلدەرىن قازاق ساحناسىنا اكەلۋ جوسپارلارىن دا ورتاعا سالىپ, شىعارماشىلىق جۇمىس­تارىنىڭ قىر-سىرىمەن ءبولىستى.

«قازاقكونتسەرت» مەملەكەتتىك كون­­تسەرت­­تىك ۇيىمىنىڭ قازاق ونەرىن دامىتۋ, جەكە ورىنداۋشىلار مەن جاس تالانتتاردىڭ شىعارماشىلىق ىزدەنىستەرىن قالىڭ كورەرمەنمەن قاۋىشتىرۋدا جاساپ جاتقان جۇمىسى وراسان. ۇجىمنىڭ جاڭا ديرەكتورى جەڭىس سەيدۋللا ۇلىنىڭ مالىمدەۋىن­شە, بىرلەستىك الداعى ۋاقىتتا دا وسى قارقىنىن جوعالتپاي, ەلىمىزدىڭ تۇك­پىر-تۇكپىرىن ارالاپ ونەر كورسەتۋمەن قاتار, قازاق مۋزىكاسى مەن تەاتر ونەرىن الەم دەڭگەيىنە كوتەرۋگە بارىنشا كوڭىل بولىنەتىندىگىن اتاپ ءوتتى. كەزدەسۋ سو­ڭىن­دا «قازاقستان» ورتالىق كونتسەرت زالىنىڭ ىشىنە ارنايى ەكسكۋرسيا جاسالىپ, جيىنعا قاتىسقان باق وكىلدەرى مەن جوعارى وقۋ ورىن­دارىنىڭ ۇستازدارى, پەداگوگ عالىم­دار تالانتتى گريمەر, ءمۇسىنشى ايدوس ەس­ما­عا­نبەتوۆتىڭ شەبەرحاناسىمەن تانىستى.

نازەركە جۇماباي,

«ەگەمەن قازاقستان»