ماڭعىستاۋدا «گاز-حيميا كەشەنى» جوباسى ىسكە اسىرىلىپ جاتىر

2017 جىلى نەگىزگى كاپيتالعا سالىنعان ينۆەستيتسيالار كولەمى 432,7 ملرد. تەڭگەنى قۇرادى, بۇل 2016 جىلمەن سالىستىرعاندا 1%-عا ارتىق (405,6 ملرد.تەڭگە).

نەگىزگى كاپيتالعا سالىنعان شيكىزات ەمەس سەكتوردىڭ ينۆەستيتسيالىق كولەمى 2017 جىلعى مەملەكەتتىك بيۋدجەتتەن تىس 182,7 ملرد. تەڭگەنى قۇرادى.

قۇرىقتاعى پاروم كەشەنىن, «قازازوت» اق-نىڭ مينەرالدى تىڭايتقىشتار شىعاراتىن زاۋىتىن, «اقتاۋ تەڭىز پورتى» اەا جانە ت.ب. جوبالاردى جاڭعىرتۋ ناتيجەسىندە ينۆەستيتسيالار كولەمى ۇلعايدى.

«قازازوت» اق پەن  يننەر مونگوليا بەرۋن حولدينگ قىتاي كومپانياسى «گاز-حيميا كەشەنى» جوباسىن ىسكە اسىرىپ جاتىر. قازىرگى ۋاقىتتا ۋحان ينستيتۋتى گاز-حيميا كەشەنىنىڭ جوباسىن ءارى قاراي جالعاستىرۋ ءۇشىن تەحنيكالىق-ەكونوميكالىق نەگىزدەمە الدىنداعى دايىندىق جۇمىستارىن جۇرگىزۋدە. مالايزيانىڭ Rich Energy كومپانياسى قۇنى 1,7 ملرد تەڭگە تۇراتىن «مۇناي جانە گازدى وڭدەۋ كەشەنى» جوباسىن قولعا الۋدا», دەدى يندۋستريالىق-يننوۆاتسيالىق دامۋ باسقارماسى باسشىسىنىڭ م.ا. دارىمبەت بايىمبەتوۆ.

قىتايلىق NWPC كومپانياسى فرانتسۋزدىق ECM Technologies جانە «كاسپي» اكك» اق-پەن بىرلەسىپ 5 ملرد. تەڭگە سوماسىنا «Mangystau Solar» بىرلەسكەن كاسىپورنىن قۇرىپ,  شەتپە اۋىلىندا قۋاتتىلىعى 12 مۆت كۇن ەلەكتر ستانتسياسىنىڭ قۇرىلىسىن جۇزەگە اسىرۋدا. ترانسۇلتتىق كومپانيالاردى تارتۋ شەڭبەرىندە ماڭعىستاۋ وبلىسىندا شەتپە اۋىلىندا Hedebelberg Cement تسەمەنت زاۋىتى, كاسپي بيتۋمى CITIK Group, Tenaris كومپانياسى - پرەميالدى بايلانىسقا يە قۇبىرلاردى شىعاراتىن زاۋىتى, KUDU Industries (Schlumberger) بۇراندالى سورعىلار ءوندىرىسى سياقتى جوبالار جۇزەگە اسىرىلۋدا.

ماڭعىستاۋ وبلىسىنىڭ كاسىپكەرلىكتى قولداۋ كارتاسىنىڭ شەڭبەرىندە 2018 جىلى جالپى سوماسى 11,5 ملرد. تەڭگە بولاتىن 4 جوبانى ىسكە قوسۋ جوسپارلانىپ وتىر, بۇل 223 جاڭا جۇمىس ورنىن قۇرۋعا مۇمكىندىك بەرەدى.  وسى جىلى ماڭعىستاۋ وبلىسىندا «بيزنەستى قولداۋ» كارتاسىن قوسپاعاندا, ەكونوميكانىڭ ءارتۇرلى سەكتورلارىندا جالپى سوماسى 57,4 ملرد. تەڭگەنى قۇرايتىن 32 جوبا قاراستىرىلىپ, 1 854 جۇمىس ورنىن قۇرۋ جوسپارلانىپ وتىر.

اعىمداعى جىلى «اقتاۋ تەڭىز پورتى» اەا جوبالىق قۇنى 10,5 ملرد تەڭگە بولاتىن 5 جوبانى جۇزەگە اسىرۋدى جوسپارلاپ وتىر, ول 254 جۇمىس ورنىن قۇرۋعا مۇمكىندىك بەرەدى. 2018 جىلى «كاسپي» اكك »ۇك» اق جالپى قۇنى 13,1 ملرد.تەڭگەنى قۇرايتىن 2 جوبانى ىسكە قوسپاقشى. سونداي-اق, بيىل «ماڭعىستاۋ» يندۋستريالىق پاركىندە 192 جۇمىس ورنىن قۇراتىن جالپى سوماسى 979,2 ملرد. تەڭگە 4 جوبا ىسكە قوسىلادى. 2018 جىلى ءمجا تەتىگى جالپى سوماسى 2,9 ملرد. تەڭگەدەن اساتىن 10 جوبانى 779 جۇمىس ورنى اشىلاتىن ىسكە قوسۋ جانە ەكونوميكانىڭ ءارتۇرلى سەكتورلارىندا جالپى سوماسى 30,0 ملرد. تەڭگەدەن اساتىن ناتيجەسىندە 589 جۇمىس ورنى پايدا بولاتىن 11 جوبا جوسپارلانۋدا.

گۇلايىم شىنتەمىرقىزى, «ەگەمەن قازاقستان»