بۇگىن ماجىلىستە پالاتا سپيكەرى نۇرلان نىعماتۋلين بۇكىلالەمدىك بانكتىڭ قازاقستانداعى تۇراقتى وكىلى اتو براۋنمەن جانە ورتالىق ازيا بويىنشا وڭىرلىك ديرەكتورى ليليا بۋرۋنچۋكپەن كەزدەستى, دەپ حابارلايدى ءماجىلىستىڭ ءباسپاسوز قىزمەتى.
كەزدەسۋ بارىسىندا نۇرلان نىعماتۋلين اتالعان قارجىلىق ينستيتۋتپەن قارىم-قاتىناس ورناعان 25 جىل ىشىندە اتقارىلعان جۇمىستارعا توقتالدى. ءماجىلىس سپيكەرى اتاپ وتكەندەي, وسى ۋاقىتتار ىشىندە قازاقستاندا 46 جوبا قارجىلاندىرىلعان, جوسپاردا تاعى دا 48 ماڭىزدى جوبا بار.
2002 جىلدان بەرى بىرلەسكەن ەكونوميكالىق زەرتتەۋلەر باعدارلاماسى قولعا الىنىپ كەلەدى. وتكەن جىلى قازاقستان مەن بۇكىلالەمدىك بانك اراسىندا 2012-2017 جىلدارعا ارنالعان ارىپتەستىك ستراتەگياسى تابىستى جۇزەگە اسىرىلعان.
مەملەكەتىمىزدىڭ دامۋ باعىتى جايلى ءسوز ەتكەندە ءماجىلىس توراعاسى قازىرگى ۋاقىتتا قازاقستان پرەزيدەنتىنىڭ باستاماسىمەن جۇزەگە اسىرىلىپ جاتقان «نۇرلى جول» باعدارلاماسىنىڭ ماڭىزدىلىعىنا توقتالدى. سونىڭ ىشىندە, الەۋمەتتىك جانە ەنەرگەتيكالىق ينفراقۇرىلىمدار, شاعىن جانە ورتا بيزنەستى دامىتۋعا ارنالعان باسقا دا ءىرى جوبالارعا ايرىقشا نازار اۋداردى.
بۇكىالەمدىك بانك وكىلى ءبىزدىڭ ەلىمىزدىڭ تاۋەلسىزدىك جىلدارىندا جەتكەن جەتىستىكتەرىنە جوعارى باعا بەرىپ, اتالعان بانك ءۇشىن قازاقستانمەن بىرلەسە جۇمىس جاساۋ ماقتانىش ەكەنىن جەتكىزدى. ال, ليليا بۋرۋنچۋكتىڭ پىكىرىنشە, قازاقستان – بۇكىلالەمدىك بانكتىڭ ورتالىق ازياداعى ماڭىزدى ارىپتەسى جانە ءبىزدىڭ ەلمەن بىرلەسكەن جۇمىس ەڭ نەگىزگى باعىتتاردىڭ ءبىرى. سەبەبى بۇل جەردە ءىرى اۋقىمدى جوبالار ىسكە اسىرىلادى.
كەزدەسۋ بارىسىندا پارلامەنتتەر ىقپالداستىعى ماسەلەسى دە نازاردان تىس قالعان جوق.
ءماجىلىس توراعاسىنىڭ ايتۋىنشا, دەپۋتاتتىق كورپۋستىڭ زاڭنامالىق جۇمىسىندا بانك ماماندارىنىڭ تاجىريبەسى مەن بىلىكتىلىگىنىڭ دە وڭ اسەرى بار. ماسەلەن, اۋىلشارۋاشىلىعىن مەملەكەتتىك قولداۋ شارالارىن جەتىلدىرۋ, سالانى تسيفرلاندىرۋ, سونداي-اق, يننوۆاتسيالىق قارجىلىق تەتىكتەردى ەنگىزۋ مۇمكىندىكتەرى تاقىرىپتارىندا پىكىر الماسۋدىڭ ماڭىزدىلىعى زور.