تۋرا ون جەتى كۇنگە سوزىلعان پحەنچحان وليمپياداسى ءوز مəرەسىنە جەتتى. بيىلعى وليمپيا ويىندارى سوچي وليمپياداسىنان دا جوعارى دەڭگەيدە ءوتتى دەۋگە تولىق نەگىز بار. وعان ءXXIIى قىسقى وليمپيا ويىندارىنىڭ كورىگىن قىزدىرۋعا 92 ەلدەن 2925 سپورتشى كەلگەنى, سوچيدەگىدەن 7 سپورت سايىسى مەن 15 مەدال جيىنتىعىنىڭ كوپتىگى, ال جارىستار كەزىندە 20-دان اسا وليمپيالىق رەكوردتىڭ تىركەلگەنى تولىق دəلەل بولا الادى. بۇگىندە تاريحتىڭ قويناۋىنا ەنگەن بۇل اق وليمپيادادا اقىرعى سəتىنە دەيىن قاتىسۋشى كوماندالار توپ باسىنا تالاستى.
سپورتشىلاردىڭ جەكەلەي رەكوردىنان بولەك, نورۆەگيالىق سايىپقىراندار پحەنچحان وليمپياداسىندا مەدال جيىنتىعى بويىنشا دا رەكورد ورناتتى. 14 التىن, 14 كۇمىس جانە 11 قولا جۇلدەگە قول جەتكىزگەن ۆيكينگتەر ەلى جالپى سانى 39 مەدال يەلەنىپ, ۆانكۋۆەر وليمپياداسىندا جالپى سانى 37 (9-15-13) مەدال العان اقش-تىڭ رەكوردىن جاڭارتتى.
پحەنچحان وليمپياداسىنا قاتىسقان 2925 سپورتشىنىڭ 91-ءى ەكى جانە وداندا كوپ مەدال جينادى. ونىڭ ىشىندە نورۆەگيالىق شاڭعىشى يوحاننەس كلەبو مەن فرانتسيالىق بياتلونشى مارتەن فۋركاد ءۇش رەت وليمپيادا چەمپيونى اتاندى. ال تاعى ءبىر نورۆەگيالىق شاڭعىشى ماريت بەرگەن وسى وليمپيا ويىندارىندا ەڭ كوپ مەدال العان سپورتشى اتاندى. بەرگەننىڭ ءوزى نورۆەگيا قۇراماسىنا ەكى التىن, ءبىر كۇمىس جانە ەكى قولا جۇلدە سالدى.
بيىلعى وليمپيادادا 30 ەلدىڭ سپورتشىلارى جۇلدەگەر اتاندى. بۇل سوچي وليمپياداسىمەن سالىستىرعاندا ءتورت ەلگە كوپ. سونداي-اق پحەنچحان وليمپياداسىندا 22 ەلدىڭ سپورتشىلارى التىن مەدال جەڭىپ الدى. ءسويتىپ سوچي وليمپياداسىنىڭ رەكوردىن قايتالادى. ال مەدال جيىنتىعى بويىنشا جالپىكوماندالىق ەسەپتە نورۆەگيا قۇراماسى توپ باستادى. وسىناۋ ۇلى كوشتە قازاقستان سپورتشىلارى جالعىز قولا مەدالمەن 28-ورىننان كورىندى.
ءالي بيتورە,
«ەگەمەن قازاقستان»