قازىرگى كەزدە وتباسى قۇندىلىقتارىن نىعايتۋ جانە دەموگرافيالىق ساياسات ماسەلەلەرىن تەرەڭدەتۋ ءىسىنىڭ ءمانى مەن ماڭىزى جوعارى. سونىمەن بىرگە بۇگىنگى وتباسىن قۇرعان جاستار اراسىندا اجىراسۋ دەرەكتەرىنىڭ كوپتىگى الاڭداتپاي قويمايدى.
مۇنداي تەرىس دەموگرافيالىق كورىنىستىڭ الدىن الۋ ماسەلەلەرى قوعامداعى جۇرتشىلىقتى ويلاندىرۋعا ءتيىس. ايتالىق وتكەن جىلى اقتوبە وبلىسىندا 7000-عا جۋىق جۇپ وتباسىن قۇرسا, سونىڭ 2600-دەن استامى اجىراسىپ ۇلگەرگەن. ءسوز جوق, بۇل – وتە الاڭداتارلىق ماسەلە.
– ەرلى-زايىپتىلار ءوزارا كەلىسىم مەن ورتاق تۇسىنىستىككە كەلە الماي, ەكى جاققا كەتكەندە ەڭ الدىمەن بالالار جاپا شەگەدى. بۇل جايت ءوز كەزەگىندە وتباسى پروبلەمالارى مەن تۇيىندەرىن ءبىر جۇيە مەن ىزگە كەلتىرۋگە سەپتىگىن تيگىزە الاتىن ارناۋلى ورتالىقتىڭ قاجەت ەكەنىن كورسەتەدى. سوندىقتان دا بيىل وڭىردە «وتباسى اكادەمياسى» جوباسى جۇزەگە اسۋدا. ونىڭ قىزمەتىنە ءبىرىنشى كەزەكتە پسيحولوگ ماماندار مەن مەدياتورلاردى مەيلىنشە كوبىرەك تارتۋ كوزدەلگەن, – دەدى اقتوبە وبلىسى اكىمىنىڭ ورىنباسارى ەربول نۇرعاليەۆ.
ونىڭ مالىمدەۋىنشە, وعان ءتۇرلى تۇسىنبەۋشىلىكتەر مەن كەلەڭسىز جاعدايدارعا تاپ بولعان ەرلى-زايىپتىلار عانا ەمەس, ۇيلەنۋدى نەمەسە تۇرمىس قۇرۋدى ويلاستىرىپ جۇرگەن بولاشاق شاڭىراق يەلەرى دە تارتىلماق. بولاشاق اتا-انالار مەكتەبى دە اتالعان «وتباسىلىق اكادەمياسى» جوباسى اياسىندا جۇمىس ىستەمەك.
تەمىر قۇسايىن, «ەگەمەن قازاقستان»
اقتوبە