الەمنىڭ ەڭ ۇزدىك ون ستارتاپ-كومانداسى احقو Seedstars جانە MOST بيزنەس-ينكۋباتورىمەن بىرلەسىپ ىسكە قوسقان Fintech Stars حالىقارالىق اكسەلەراتسيالىق باعدارلاماسىنا قاتىسادى.
«احقو اكىمشىلىگى» اق تسيفرلى تەحنولوگيالار جونىندەگى ديرەكتورى اسەل جيەنباەۆانىڭ ايتۋى بويىنشا, اكسەلەراتسيالىق باعدارلاما يننوۆاتسيالىق شەشىمدەردى جيناقتاۋدى جانە الەمدىك فينتەح كومپانيالاردىڭ ءوزارا ارەكەتتەسۋىنە ارنالعان پلاتفورما جاساۋدى كوزدەيدى.
«ستارتاپ جوبالارمەن جۇمىس ىستەۋدە زور تاجىريبەگە يە SeedStars سەكىلدى الەمدەگى ۇزدىك كومپانيامەن بىرلەسىپ قازاقستاندا اكسەلەراتسيالىق باعدارلامانى ىسكە قوسۋ, بىزگە قارجى تەحنولوگيالارى ەكوجۇيەسىن دامىتۋ بويىنشا بەلگىلەنگەن ماقساتتارعا قول جەتكىزۋگە كومەكتەسەدى», دەدى ءا. جيەنباەۆا. باعدارلاما 10 ستارتاپ-جوبانى قارجىلاندىرۋ مۇمكىندىگىن بەرەدى, سونداي-اق كاسىپكەرلەر ءوز سالاسىنىڭ ەڭ ۇزدىك ساراپشىلارىمەن بىرلەسىپ ءوز جوبالارىمەن جۇمىس ىستەۋ مۇمكىندىگىنە يە بولادى, ولارعا بيزنەس-پروتسەستەردى قالاي دۇرىس جۇزەگە اسىرۋ جانە باسەكەلىك نارىقتا قالاي جۇمىس ىستەۋ كەرەكتىگىن ۇيرەتەدى. بۇل باعدارلامانىڭ ءبىلىم بەرۋ بولىگى ءتيىمدى ءارى ءساتتى ستارتاپتاردى دامىتۋدىڭ باستى كىلتى بولىپ سانالادى.
Seedstars كومپانياسىنىڭ وكىلى يگور وۆچارەنكو باعدارلاما اياقتالعاننان كەيىن ستارتاپتار, ولاردىڭ تابىستى بولۋى, جەدەل دامۋى مەن وسۋىنە بايلانىستى Seedstars Investor Club-تان, MOST بيزنەس-جەبەۋشىلەر قاۋىمداستىعى مەن سەرىكتەستەردەن 350 مىڭ اقش دوللارى مولشەرىندە ينۆەستيتسيالارعا يە بولا الاتىندىعىن اتاپ ءوتتى. ء«بىز ءوزىمىزدىڭ ورتالىق جانە شىعىس ەۋروپاداعى العاشقى اكسەلەراتسيالىق باعدارلامانىڭ ءدال قازاقستاندا ىسكە قوسىلۋىنا وتە قۋانىشتىمىز, ويتكەنى وسى جەردە احقو بازاسىندا قۇقىقتىق ءورىس جانە ستارتاپتارعا مەملەكەت تاراپىنان قولداۋدىڭ بولۋى تۇرعىسىنان بىرەگەي ينفراقۇرىلىم قۇرىلۋدا. ءبىز ءوزىمىزدىڭ حالىقارالىق تاجىريبەمىز بەن بايلانىستار جەلىسىن پايدالانا وتىرىپ, اكسەلەراتسيادان وتەتىن فينتەح ستارتاپتاردى جىلدام دامىتۋعا مۇمكىندىك جاسايمىز», – دەدى ي.وۆچارەنكو.
«بۇگىنگى تاڭدا MOST كاسىبي مەنتورلىق ساراپتامانىڭ نەگىزىن قالادى, قارجى باعىتى بويىنشا بىرلەسىپ ارەكەت جاسۋ ءۇشىن الەمنىڭ ءار تۇكپىرىنەن جانە قازاقستاننان ءارتۇرلى سالالاردىڭ ۇزدىك مامانداردىڭ باسىن قوستى جانە وسى ادامداردى FintechStars جوباسىنا جۇمىلدىردى. اكسەلەراتسيالىق باعدارلاماسىندا ءبىز ستارتاپتارعا جەرگىلىكتى ساراپتاما مەن مەنتورلاردى ۇسىنامىز. ولاردى وقىتۋ پروتسەسىنە قاتىسىپ, نەتۆوركينگ قۇرامىز,
تارتاپتاردى قازاقستاندىق نارىقتاعى كليەنتتەر مەن سەرىكتەستەرىمەن تانىستىرامىز», دەيدى MOST بيزنەس-ينكۋباتورىنىڭ باس ديرەكتورى ءالىم حاميتوۆ.