ماحامبەت اۋدانىنداعى كوشپەلى وتىرىستا جەردى بەرۋ جانە پايدالانۋ مونيتورينگى ماسەلەلەرى تالقىلاندى, دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
اتىراۋ وبلىستىق جەردىڭ پايدالانىلۋى مەن قورعالۋىن باقىلاۋ باسقارماسىنىڭ باسشىسى گۇلزيا قۇرمانوۆانىڭ مالىمدەۋىنشە, 2017 جىلى ينسپەكتورلار 534 جوسپاردان تىس تەكسەرۋ جۇمىستارىن جۇرگىزگەن. ناتيجەسىندە جەردىڭ پايدالانىلۋى سالاسىندا 448 قۇقىق بۇزۋشىلىق انىقتالعان. قۇقىق بۇزۋشىلارعا 61 ملن.تەڭگە كولەمىندە ايىپپۇل سالىندى.
بەرىلمەگەن 105 جەر ۋچاسكەسى (66 مىڭ گەكتاردان اسا) تاركىلەندى.
- قازىرگى تاڭدا پايدالانىلماعان جەر تەلىمدەرىن تاركىلەۋ جۇمىستارى جۇرگىزىلۋدە. ەڭ باستى ماسەلە, جەكە تۇلعالار اۋىل شارۋاشىلىق جۇمىستارىنا جەر ساتىپ الادى, كەيىننەن ولاردى جەكە تۇرعىن ءۇي قۇرىلىسى ءۇشىن قايتا ساتادى. وسىنداي جاعداي بەرەكە اۋىلىندا ورىن الدى. ادامدار ءۇي سالدى, ال ءبىز ول جەرلەردىڭ زاڭسىز ەكەنىن ايتۋىمىز كەرەك,- دەدى ماحامبەت اۋدانىنىڭ اكىمى سىرىم رىسقاليەۆ. – كەزىندە بىرەۋلەر قۇرىلىس جۇمىستارىنا رۇقسات بەرگەن, بىراق تەكسەرۋ جۇمىستارىنىڭ ناتيجەسى بويىنشا زاڭسىز دەپ تانىلىپ وتىر.
اتىراۋ وبلىسىنىڭ اكىمى نۇرلان نوعاەۆ ءوز كەزەگىندە وسى اۋىل تۇرعىندارىمەن ءجيى كەزدەسەتىنىن اتاپ ءوتتى.
- اۋىل شارۋاشىلىعىنا ارنالعان بۇل جەر تەلىمدەرى اۋىل شارۋاشىلىق جۇمىستارىنا بولىنگەن. ءبىز بارلىق جەردى الۋ مىندەتىن قويمايمىز, بىراق بۇل ۋچاستكەلەردە ءۇي سالۋعا بولمايدى. وسىنداي فاكتىلەردى اشىپ, قاجەت بولعان جاعدايدا, زاڭ بويىنشا مۇنداي قۇرىلىمداردى بۇزۋ تۋرالى اۋدان اكىمىنە مىندەت جۇكتەدىم. بۇرىنعى قالپىنا كەرى قايتارۋدى تاپسىردىم. تەك وسى جاعدايدا عانا زاڭسىز قۇرىلىس جۇرگىزەتىن ادامدار ويلانىپ, جەردى زاڭسىز الۋ جولدارىن توقتاتادى. ءبىز اۋىل شارۋاشىلىعىمەن اينالىسقىسى كەلەتىن ادامدارعا جەر تەلىمدەرىن تاۋىپ بەرۋگە تىرىسامىز, دەسەك تە جۇزدەگەن گەكتار جەر نە ماقساتىنا ساي پايدالانىلمايدى, نە كەرى ساتىلۋدا,-دەيدى نۇرلان نوعاەۆ. – سونىمەن قاتار, اۋدان اكىمدەرى وسىنداي جاعدايداعى جەر يەلەرىمەن كەزدەسىپ, ولاردىڭ ماسەلەسىن شەشۋ تۋرالى ۇسىنىس جاساۋ كەرەك. حالىقتىڭ كىناسى مىنا جەرلەردى ساتىپ العانى.
جىلىوي اۋدانىندا رۇقساتسىز جەر تەلىمدەرىندە زاڭسىز سالىنعان ءۇش كاسىپكەرلىك نىسان انىقتالدى. اكىمدىك عيماراتتاردى بۇزۋ تۋرالى شەشىم قابىلدادى.
2017 جىلدان باستاپ جەردىڭ پايدالانىلۋى مەن قورعالۋىن باقىلاۋ باسقارماسى جەر تەلىمدەرىن انىقتاۋ ءۇشىن اەروعارىشتىق سۋرەتتەردى پايدالانۋدى باستادى. وتكەن جىلى 9 مىڭعا جۋىق زاڭسىز جەر تەلىمدەرى انىقتالدى. بۇل جۇمىس اعىمداعى جىلى جالعاسادى. ارنايى توپتار قۇرىلدى, ولار اەروفوتوتۇسىرىلىم دەرەكتەرىن پايدالانا وتىرىپ, جەر ۋچاسكەلەرىن تەكسەرەدى جانە جەر تەلىمدەرىن دۇرىس پايدالانۋدى رەتتەيدى.
جيىن سوڭىندا وبلىس اكىمى جاۋاپتى تۇلعالارعا بىرقاتار تاپسىرمالار بەردى.