2017 جىلى وتكىزىلگەن مادەني شارالاردىڭ بارلىعى دەرلىك حالىقارالىق «استانا ەكسپو-2017» مامانداندىرىلعان كورمەسىنە ارنالدى.
وسىلايشا 2017 جىلى 5 ملن ادام تاماشالاعان 9926 مادەني ءىس-شارا وتكىزىلدى, دەپ حابارلايدى ەلوردا اكىمدىگىنىڭ رەسمي سايتى.
ەلوردا مۇراجايلارى 131 كورمەنى ۇيىمداستىرىپ, 3433 ەكسكۋرسيانى وتكىزىپ, 104 ءدارىس وقىدى. استانا قالاسىنىڭ تەاترلارى كورەرمەن نازارىنا 1323 سپەكتاكلدى قويىپ, 722 كونتسەرتتىك باعدارلامانى ۇسىندى. بۇل شارالارعا كەلۋشىلەردىڭ سانى 2,2 ملن ادامنان استى.
قالاداعى 17 كىتاپحانانىڭ جۇمىسى ۇلتتىق تاريحتى زەرتتەۋ مەن ناسيحاتتاۋ, وقىرمانداردى اسكەري-پاتريوتتىق ناقىشتا تاربيەلەۋ, سالاماتتى ءومىر سالتى تۋرالى ادەبيەتتى ناسيحاتتاۋ, كامەلەتتىك جاسقا تولماعانداردىڭ اراسىنداعى قۇقىق بۇزۋشىلىقتاردىڭ الدىن الۋ, ەكسترەميزمنىڭ الدىن الۋ, تەرروريزمگە قارسى قاۋىپسىزدىكپەن قامتۋ سياقتى باعىتتاردى قامتىدى.
2017 جىلى كىتاپحاناعا كەلگەن وقىرمانداردىڭ سانى 70 998 قامتىدى. كىتاپحانا قورىندا 704 599 دانا كىتاپ بار.