استانانىڭ مەديتسيناسى تسيفرلاندىرۋعا كوشەدى

باسقارما باسشىسىنىڭ ايتۋىنشا, دەنساۋلىق ساقتاۋ سالا­سىن تسيفرلاندىرۋ ەڭ ال­دى­مەن قاعازباستىلىقتان ارى­لۋ­عا كومەكتەسىپ, حالىققا كور­سەتىلەتىن قىزمەت ساپاسىن ەلەكتروندى جۇيە ارقىلى ارتتىرۋ­عا سەپتىگىن تيگىزبەك. جالپى بيىلدان باستاپ, ەل اۋماعىندا ەلەكتروندى دەنساۋلىق پاسپورتىن كەزەڭ-كەزەڭىمەن ەن­گىزۋ جوسپارلانعانى بەلگىلى. وسى جىلى باتىس قازاق­ستان, شىعىس قازاقستان, قارا­عان­دى مەن قوستاناي وبلىس­تارى­نىڭ دەنساۋلىق ۇيىمدارى ءىس-قاعازدارىن ەلەكتروندى فور­­ماتتا جۇرگىزە باستاسا, كە­لە­سى جىلدان باستاپ بىر­تىن­­­دەپ جاڭا ەلەكتروندى تول­­قۇ­­­­جات­­قا كوشەدى. بۇل قۇ­جاتتا ەمحاناعا قارالعان ءار ناۋ­قاستىڭ سىرقات تاريحى مەن تاپ­سىرعان اناليزدەرىنىڭ قورى­تىندىسى, دارىگەر تاراپىنان قويىلعان دياگنوزدارى مەن قارالعان اۋرۋحانالارىنىڭ ءتىزىمى ەنگىزىلەدى. ەلەكتروندى دەنساۋلىق تولقۇجاتىمەن تانىسقىسى كەلگەن ازاماتتىڭ ءوزى دە ەلەكتروندى ۇكىمەت پورتالىنا تىركەلىپ, جەكە ءپارولى مەن لوگينى ارقىلى قۇجاتتى كورە الادى. وسىلايشا استا­نالىقتار 2019 جىلدان باستاپ قاعاز مەديتسينالىق كارتادان بىرتىندەپ باس تارتاتىن بولادى. «پايدالانۋشىلار­دىڭ ەلەك­تروندى دەنساۋلىق پاس­پور­تىنداعى دەربەس دەرەك­تەرى پا­تسيەنتتىڭ جەكە كابينەتى ارقىلى ۇيىمداستىرىلادى. مەدي­تسينا­لىق ورتاق دەرەكقور رەتىندە جاساق­تالعان جۇيەگە دارىگەرلەر ناۋقاس­تىڭ جەكە كۋالىگىندەگى جسن ارقىلى كىرىپ, ونىڭ سىرقات­ناماسى­مەن تانىسا الادى. بۇل دەنساۋ­لىق ساقتاۋ سالاسىنىڭ ساپاسىن ارتتىرىپ قانا قوي­ماي, دارىگەرلەردىڭ دە جۇمى­سىن جەڭىلدەتەدى. ازا­ماتتار دا قاعاز كارتوچكاسىن ارقالاپ جۇرمەيدى. ولار تۋرالى دەرەكتەر سەنىمدى ءارى قاۋىپسىز ساق­تالاتىن بولادى», دەيدى باس­قارما باسشىسى. 

سونداي-اق جيىندا استانا­لىقتاردىڭ دارىگەرلەرگە ونلاين رەجىمدە جازىلۋى, حالىققا ارنالعان مەديتسينالىق ۇيالى قوسىمشالاردىڭ پايدا بولۋى دا ءسوز بولدى. كەلەشەكتە ءاربىر ەلوردالىقتىڭ ۇيالى تەلەفونىنا دەنساۋلىعىن قورعاۋ, سالاماتتى ءومىر سالتىن ساقتاۋعا قاتىستى حابارلاندىرۋلار, ەسكەرتۋلەر جولدانىپ, جۇرتشىلىققا پايدالى جاقسى جاڭالىقتاردان حاباردار ەتىلمەك. 

بۇعان قوسا, ەلوردادا 2025 جىلعا قاراي بىرنەشە ەمحانا اشىلاتىنى دا بەلگىلى بول­دى. سونىڭ ىشىندە حالىق كوپ شوعىرلانعان جاعالاۋ, ايناكول, «ماڭگىلىك ەل» قاق­پاسى اۋداندارىندا جاڭا مە­دي­­تسي­نا­لىق ۇيىمدار بوي كوتەرەدى. ك.نادىروۆتىڭ ايتۋىنشا, ەمحانالار سالۋ مىندەتى مەم­لەكەت-جەكەمەنشىك ارىپتەس­تىگى اياسىندا ينۆەستورلارعا ۇسىنىلماق. قازىر «ماڭگىلىك ەل» قاقپاسى اۋدانىندا ەمحانا سالۋعا نيەت بىلدىرگەن ينۆەستور بار. ەكىجاقتى كەلىسىم­دەردەن كەيىن قۇرىلىس قۇنى انىقتالماق. سونىمەن قاتار استانادا مەملەكەت-جەكەمەنشىك ارىپتەستىگى اياسىندا حوسپيس سالۋ دا جوسپارلانىپ وتىر. قازىرگى كۇنى نىساننىڭ تۇجىرىمدا­ماسى ازىرلەنۋ ۇستىندە. جاڭا عيمارات «كوكتال» تۇرعىن الابىندا بوي كوتەرەدى. 

قىمبات توقتامۇرات, «ەگەمەن قازاقستان»