وبلىس اكىمىنىڭ قىتايعا جۇمىس ساپارى اياسىندا ارىپتەستىك جونىندەگى مەموراندۋمعا قول قويىلدى.
قىزىلوردا وبلىسىنىڭ اكىمى ق.كوشەرباەۆ باستاعان ايماق دەلەگاتسياسى قىتاي حالىق رەسپۋبليكاسىنا جۇمىس ساپارمەن بارىپ, بەيجىڭ, شانحاي جانە شەنچجەن قالالارىنداعى بىرقاتار ءىرى كومپانيالاردىڭ جۇمىسىمەن تانىستى. باعدارلاما اياسىندا ءىرى ينۆەستيتسيالىق كومپانيالاردىڭ وكىلدەرىمەن كەزدەسىپ, ارىپتەستىك جونىندە كەلىسسوز جۇرگىزدى.
اتاپ ايتقاندا, قىزىلوردا وبلىسىنىڭ اكىمى كومىر, كۇن جانە سۋ ەلەكتر ستانتسيالارىنىڭ قۇرىلىسىمەن اينالىساتىن "CNEEC" («قىتاي ۇلتتىق ەلەكتر ينجينيرينگ كورپوراتسياسى») باسشىلىعىمەن كەزدەستى.
كەزدەسۋ بارىسىندا قىزىلوردادا سۋ جانە كۇن ەلەكتر ستانتسيالارىن, قوقىستى قايتا وڭدەيتىن زاۋىت سالۋ, سونداي-اق, «اقىلدى قالا» جۇيەسىن دامىتۋ ماسەلەلەرى تالقىلاندى.
ء«بىزدىڭ ايماعىمىز كۇن ساۋلەسىنىڭ بەلسەندىلىگى بويىنشا كوشباسشى بولىپ سانالادى, اسىرەسە, جاز مەزگىلىندە ۇلكەن قۋاتتىلىقتاعى كۇن ەلەكتر ستانتسياسىن سالۋ مۇمكىندىگى بار. سىرداريا وزەنىندە قۋاتتىلىعى 20-25 مەگاۆاتت گيدروەلەكتر ستانتسياسىن سالۋعا بولاتىن «اقلاق» گيدروتەحنيكالىق قۇرىلعىسى بار. كەلەسى جوبا وبلىس ورتالىعىنا بايلانىستى, مۇندا بىزگە جىلدىق قۋاتتىلىعى 150-160 مىڭ توننا قاتتى تۇرمىستىق قالدىقتاردى قايتا وڭدەپ, كادەگە جاراتاتىن زاۋىت قاجەت. وسى جوبا بىزگە بىردەن ەكى ماسەلەنى, ياعني, قالدىقتاردى وڭدەپ قانا قويماي, ءبىرشاما ەلەكتر قۋاتىن ءوندىرۋدى شەشىپ بەرۋى قاجەت, - دەدى ق.كوشەرباەۆ.
كەزدەسۋ قورىتىندىسى بويىنشا CNEەC جۇمىس توبى قۇرىلدى. توپ وكىلدەرى جوابالاردى مەيلىنشە جىلدام جۇزەگە اسىرۋ ماقساتىندا تاياۋدا قىزىلوردا وبلىسىنا كەلمەك.
ءوز كەزەگىندە, CNEەC كومپانياسىنىڭ باسشىسى چجەن چەنتسزيۋن «كەزدەسۋ تابىستى بولدى, قىزمەتىمىز ارقىلى قازاقستان مەن قىتايدىڭ ارىپتەستىك قارىم-قاتىناسىن ءارى قاراي نىعايتۋ ءبىز ءۇشىن ۇلكەن مارتەبە» دەپ اتاپ ءوتتى.
سونداي-اق, ايماق باسشىسى الەمدەگى ەڭ ءىرى شىنى ونىمدەرىن ءوندىرۋشى كاسىپورىنداردىڭ ءبىرى - «China Triumph International Engineering Co., Ltd» باسشىلارىمەن كەزدەستى. وبلىس اكىمى ق.كوشەرباەۆ جانە «چاينا تريۋمف» كومپانياسىنىڭ باسشىسى شىنى زاۋىتى جوباسىنىڭ, اسىرەسە, ونىڭ ەكىنشى كەزەڭى – گادجەتتەرگە ارنالعان اسا جۇقا اينەكتەردى شىعارۋ ماسەلەلەرىن تالقىلادى. ەستەرىڭىزگە سالا كەتەيىك, كومپانيا قىزىلوردا قالاسىندا شىنى زاۋىتىن سالۋ جوباسىن جۇزەگە اسىرۋدا. زاۋىتتىڭ قۇرىلىس-مونتاج جۇمىستارى ءساۋىر ايىنىڭ باسىندا اياقتالادى, ال, ماۋسىم ايىنىڭ اياعىندا تۇراقتى وندىرىسكە قوسىلماق.
«كەلىسسوز ناتيجەلى بولدى. قازىر ءبىز قىزىلوردا وبلىسىندا الەمدەگى ەڭ وزىق ۇلگىدەگى شىنى زاۋىتىن سالىپ جاتىرمىز. بۇگىنگى كەزدەسۋدە جاڭا ەنەرگيا, جاڭا ۇلگىدەگى ءۇي قۇرىلىسىن جۇرگىزۋدە ارىپتەستىكتى نىعايتۋ ماسەلەلەرىن تالقىلادىق. وسى جىلدار ىشىندە قازاقستان ۇكىمەتى ءبىزدى ۇدايى قولداپ كەلەدى.سوندىقتان, ارىپتەستىكتى ودان ءارى نىعايتۋعا دەگەن سەنىمىمىز ارتا ءتۇستى», - دەپ كومپانيا پرەزيدەنتى پەن شۋ مالىمدەدى.
ودان بولەك, ق.كوشەرباەۆ شيەلى اۋدانىندا تامپوناجدىق تسەمەنت زاۋىتىن سالىپ جاتقان «گەجۋبا گرۋپپ تسەمەنت كو لتد» ("China Gezhouba Group Cement Co., Ltd") كومپانياسىنىڭ باسشىسى لي مين مىرزامەن كەزدەستى. زاۋىت قۇرىلىسى اعىمداعى جىلدىڭ جەلتوقسان ايىندا اياقتالادى دەپ جوسپارلانۋدا. لي مين «قىزىلوردا وبلىسىندا جۇزەگە اسىرىلىپ جاتقان جوبا زاماناۋي ءارى بارلىق ەكولوگيالىق تالاپتارعا ساي» دەپ اتاپ ءوتتى.
سونداي-اق, ينۆەستور قۇرىلىس تسەمەنتىن شىعاراتىن زاۋىت سالۋعا نيەت ءبىلدىردى.
وبلىس اكىمى قۇرامىندا 102 كاسىپورىن بار "China Poly Group Corporation" مەملەكەتتىك ينجەنەرلىك-تەحنولوگيالىق بيزنەس-توبىنىڭ جۇمىسىمەن دا تانىستى.
بەيجىڭ قالاسىندا, سونداي-اق, جوبالاۋشى كومپانيالاردىڭ قىزمەتىن تانىستىراتىن تانىستىرىلىم ۇيىمداستىرىلدى.
ساپار اياسىندا شەنچجەن قالاسىندا الەمدىك ينفوكوممۋنيكاتسيالىق شەشىمدەردى جەتكىزۋدە جەتەكشى «Huawei Technologies Co., LTD» كومپانياسىمەن مەموراندۋمعا قول قويىلدى. مەموراندۋم تاراپتاردىڭ ءوزارا ءىس-قيمىلى مەن ماقساتتارىنا, اسىرەسە, اقپاراتتىق جانە كوممۋنيكاتسيالىق تەحنولوگيالاردى دامىتۋ, «ساندىق قىزىلوردا» باعدارلاماسى, اتاپ ايتقاندا, «smart city» - «اقىلدى قالا» جوباسىن جۇزەگە اسىرۋعا قول جەتكىزۋىنە نەگىز بولماق.
ودان بولەك, شانحايدا قۇقىق قورعاۋ ورگاندارى مەن اكىمدىك وكىلدەرى «Safe city» («قاۋىپسىز قالا») جوباسىمەن تانىستى.
«قىتايداعى كەلىسسوز بارىسىندا جوعارى تەحنولوگيالىق ءارى ەكسپورتقا باعىتتالعان جوبا بويىنشا 6 ناقتى كەلىسىمگە كەلدىك. ماسەلەن, ول گادجەتتەرگە ارنالعان اسا جۇقا اينەكتەردى شىعارۋ بويىنشا شىنى زاۋىتى ءوندىرىسىنىڭ ەكىنشى كەزەڭىن سالۋ. ەلباسىنىڭ جولداۋىندا تسيفرلاندىرۋعا ەرەكشە نازار اۋدارىلدى, سوندىقتان, وسى ءونىمدى شىعارۋ وزەكتى ماسەلە بولىپ تابىلادى. جاقىن ارادا ءبىز قىتايلىق ارىپتەستەرمەن ناقتى كەلىسىمگە قول قويامىز. ودان بولەك, ءبىز «smart city» جوبالارىن جۇزەگە اسىرۋ سالاسىندا نەگىزگى كاسىپورىنداردىڭ ءبىرى «Huawei» كومپانياسىمەن مەموراندۋمعا قول قويدىق. وزدەرىڭىز بىلەتىندەي, ەلباسى سىرداريانىڭ سول جاعالاۋىندا جاڭا قالا قۇرىلىسىن سالۋدى ماقۇلدادى, بۇل جوبا «اقىلدى قالا» رەتىندە جۇزەگە اسپاق. وسى ورايدا, قىزىلوردا مەن شەنچجەن قالالارىنىڭ ارىپتەستىگى ءبىز ءۇشىن وتە ماڭىزدى. وعان قوسا, وسى باعىتتاردىڭ بارلىعى جاڭا جولداۋدا كورسەتىلگەن, سوندىقتان, ءبىزدىڭ جۇمىس ساپارىمىز – جولداۋدى جۇزەگە اسىرۋ بويىنشا ناقتى شارالار دەپ بىلەمىن», - دەدى وبلىس اكىمى ق.كوشەرباەۆ.