بەس مىڭ ورىندىق ستاديون سالىنادى

وبلىس اكىمى ءباسپاسوز قىزمەتىنىڭ تارات­قان مالىمەتتەرىنە سۇيەنسەك, قۇ­رىلىس جۇمىستارىنىڭ 90 پايى­زى اياقتالعان نىسان بي­ىل­عى كوكتەمدە ەسىگىن ايقارا اشۋى ءتيىس. سونىمەن قاتار وسى جىل­دىڭ قىركۇيەك ايىندا اباي اۋدا­نىندا ۇزىندىعى 25 مەتر بولاتىن بەس جولاقتى ءجۇزۋ باس­سەينى جۇمىسىن باستاماق. 

تاعى ءبىر جاعىمدى جاڭالىق, بيىل ءوڭىردىڭ ءۇش بىردەي اۋدانىندا جاڭا ءبىلىم وردالارى (اياگوز اۋدانىندا 600, ءۇرجار اۋدانىنىڭ ماقانشى اۋىلىندا 320 جانە تارباعاتاي اۋدانىنىڭ اقجار اۋىلىندا 600 ورىندىق مەكتەپ, 300 ورىندىق ينتەرنات) بوي كوتەرمەك. ايماق باسشىسى دانيال احمەتوۆ جاقىندا وسكەمەندە وتكەن جيىنداردىڭ بىرىندە اتالعان ءۇش نىساندى جاڭا وقۋ جىلى باستالعانعا دەيىن قولدانىسقا بەرۋدى تاپسىرعان بولاتىن.

قازىرگى ۋاقىتتا وبلىستا بەس الەۋمەتتىك-مادەني, سپورتتىق نىساننىڭ قۇرىلىسى ءجۇرىپ جاتقانى بەلگىلى. ولار وسكەمەندە سالىنىپ جاتقان ءۇش مەكتەپ پەن دەنساۋلىق ساق­تاۋ سالاسىنداعى ەكى نىسان (گەماتولوگيالىق ورتالىق پەن وسكەمەن قالاسىنداعى 200 ورىن­دىق قالالىق بالالار اۋ­رۋ­­­حا­­­­ناسىنىڭ قۇرىلىسى). سون­داي-اق سەمەي قالاسىندا «اباي-ارەنا» مادەني-سپورت كەشەنى سالىنادى. حالىقارالىق ستاندارتتارعا ساي كەلەتىن, بەس مىڭ ورىنعا شاقتالعان عيمارات قاراعايلى ىقشام اۋدانىندا بوي كوتەرمەك. 

ازامات قاسىم,  «ەگەمەن قازاقستان»

شىعىس قازاقستان وبلىسى