اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە ەل تاۋەلسىزدىگىنىڭ جيىرما جىلدىعىنا ارنالعان «تاۋەلسىز قازاقسان رەسپۋبليكاسىنىڭ نەگىزىن قالاۋشى – پرەزيدەنت ن.ءا. نازارباەۆ» اتتى تاريحي تانىمدىق ءىس-شارا ءوتتى. ستۋدەنتتەر مەن پروفەسسور-وقىتۋشىلار الدىندا كورنەكتى مەملەكەت جانە قوعام قايراتكەرى, پرەزيدەنتتىك مادەنيەت ورتالىعىنىڭ ديرەكتورى, فيلولوگيا عىلىمدارىنىڭ دوكتورى, پروفەسسور مىرزاتاي جولداسبەكوۆ ءدارىس وقىپ, پرەزيدەنتتىڭ ونەگەلى ىستەرى جايلى كورگەن-بىلگەندەرىمەن ءبولىستى.
ەلباسى ومىرىنەن سىر شەرتەتىن دەرەكتى فيلم كورسەتىلگەن سوڭ بايانداماشى تاۋەلسىزدىك تاعدىرىن, يگى ءىستىڭ باسى-قاسىندا ءجۇرىپ, ەلىنە ەگەمەندىك الىپ بەرگەن مەملەكەت باسشىسى ىستەرىن ەگجەي-تەگجەيلى ءتۇسىندىردى.
– قازىر, قۇدايعا شۇكىر, اتا سالتىمىز, ءداستۇرىمىز, ءتىلىمىز قايتىپ كەلدى, – دەدى ول. – رۋحىمىز كوتەرىلدى. سوندىقتان, بۇگىنگى ۇرپاق وتە باقىتتى ۇرپاق دەپ ويلايمىن. وسىلار ءتاۋەلسىزدىكتىڭ قادىرىن وتە جاقسى ءبىلۋى كەرەك. ءتاۋەلسىزدىك تاعىلىمىن تانۋ – ەلدەگى ءار ازاماتتىڭ مىندەتى. ءاسىرەسە, ەگەمەندىكتىڭ تاريحىن, ەل ەرتەڭىن اماناتتار جاستارىمىز ءبىلۋى شارت.
ماعىنالى كەشتە مىرزاتاي جولداسبەكوۆتىڭ اندەرى مەن كۇيلەرى شەرتىلدى. جينالعان كوپشىلىك پرەزيدەنت نۇرسۇلتان نازارباەۆ شىعارمالارى مەن ەلباسىنا ارنالعان ەڭبەكتەردىڭ كىتاپ كورمەسىن تاماشالاپ, تاۋەلسىزدىك تاعىلىمدارىنا قانىقتى. كەشتى اتالمىش وقۋ ورنىنىڭ رەكتورى سەرىك پىراليەۆ ءجۇرگىزىپ, جاستارعا وسىنداي تاعىلىمدى دا اسەرلى ءاڭگىمە سىيلاعان پروفەسسور مىرزاتاي جولداسبەكوۆكە جينالعان جۇرتشىلىق اتىنان ريزاشىلىق ءبىلدىرىپ, راحمەت ايتتى.
گۇلزەينەپ سادىرقىزى,
الماتى.