تاۋەلسىزدىك سارايىندا كولىك جانە كوممۋنيكاتسيا مينيسترلىگىنىڭ ۇيىمداستىرۋىمەن قازاقستان كولىك كۇندەرى اشىلدى. وسى شارا اياسىندا كولىك جانە كوممۋنيكاتسيا سالاسىنا ارنالعان حالىقارالىق كورمە ۇيىمداستىرىلىپ, «ترانس-ەۆرازيا-2011» ءVىىى حالىقارالىق كونفەرەنتسياسى ءوز جۇمىسىن باستادى.
ەۋرازيالىق كەڭىستىكتەگى ينتەگراتسيالىق ۇردىستەر جانە ۇلتتىق كولىك جۇيەلەرى مەن ترانسقۇرلىقتىق كولىك ءدالىزدەرىنىڭ دامۋ كەلەشەگىن تالقىلاعان اتالمىش حالىقارالىق كونفەرەنتسياعا وتاندىق جانە شەتەلدىك كولىك ۆەدومستۆولارىنىڭ باسشىلارى, دوستاستىق مەملەكەتتەرىنىڭ ەلشىلەرى, حالىقارالىق ۇيىمداردىڭ باسشىلارىمەن, ەلۋگە تارتا مەملەكەتتىڭ قارجى ينستيتۋتتارىنىڭ وكىلدەرى قاتىستى.
كونفەرەنتسيانى قازاقستان رەسپۋبليكاسى كولىك جانە كوممۋنيكاتسيا ءمينيسترى بەرىك كاماليەۆ سالتاناتتى تۇردە اشىپ, قاتىسۋشىلار مەن قوناقتاردى قازاقستان كولىك كۇندەرىنىڭ جالپى باعدارلاماسىمەن تانىستىرىپ شىقتى. قازاقستان رەسپۋبليكاسى پرەمەر-مينيسترىنىڭ ءبىرىنشى ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ فورۋمعا قاتىسۋشىلارعا ارناعان قۇتتىقتاۋ حاتىن وقىپ بەردى. باعدارلاماعا سايكەس كونفەرەنتسيانىڭ پلەنارلىق وتىرىسىندا كولىك جانە كوممۋنيكاتسيا ءمينيسترى بەرىك كاماليەۆ «قازاقستان رەسپۋبليكاسىنىڭ ترانزيتتىك-كولىكتىك الەۋەتىن دامىتۋ» تاقىرىبىندا بايانداما جاسادى. كولىك ۆەدومستۆوسىنىڭ باسشىسى بارلىق ەۋرازيا قۇرلىعىنىڭ ينتەگراتسياسى تۋرالى يدەيانى قازاقستان باسشىسى نۇرسۇلتان نازارباەۆ ۇسىنعانىن اتاپ ءوتىپ, سەنىمدى جانە ءتيىمدى كولىكتىك جەلىلەر مەن كولىكتى دامىتۋدا وڭىرلىك ەكونوميكالىق ىنتىماقتاستىق پەن تۇراقتىلىقتى تەرەڭدەتۋ, سونداي-اق ەۋرازيالىق وڭىردەگى ساۋدانى دامىتۋ ءۇشىن ماڭىزى زور ەكەندىگىنە باسا نازار اۋدارتتى.
بۇدان وزگە بەلارۋس رەسپۋبليكاسىنىڭ كولىك جانە كوممۋنيكاتسيا ءمينيسترى ي.ششەربو, لاتۆيا رەسپۋبليكاسى قاتىناس ءمينيسترى ا.رونيس, بولگاريا رەسپۋبليكاسىنىڭ كولىك, اقپاراتتىق تەحنولوگيا جانە كوممۋنيكاتسيا ءمينيسترى ي.موسكوۆسكي, رەسەي فەدەراتسياسى كولىك مينيسترىنىڭ ورىنباسارى ن.اساۋل, پولشا رەسپۋبليكاسى ينفراقۇرىلىم مينيسترىنىڭ ورىنباسارى م.يانكوۆسكي, ازەربايجان رەسپۋبليكاسى كولىك مينيسترىنىڭ ورىنباسرى م.پاناحوۆ, ليتۆا كولىك ۆيتسە-ءمينيسترى ا.شتراس, ۆەنگريا رەسپۋبليكاسىنىڭ كولىك ءىسى جونىندەگى مەملەكەتتىك حاتشىسى ز.شۆابا بايانداما جاسادى. ءسوز سويلەۋشىلەر قازاقستاننىڭ 20 جىلدىق تاۋەلسىزدىگىندە ەكونوميكالىق, ساياسي جانە الەۋمەتتىك دامۋدا اسەرلى جەتىستىكتەرگە قول جەتكىزگەندىگىن اتاپ ءوتتى.
قانات ەسكەندىر.