كەشە مەملەكەت باسشىسى نۇرسۇلتان نازارباەۆ استانا قالاسىنىڭ اكىمى يمانعالي تاسماعامبەتوۆتى قابىلدادى.
ي.تاسماعامبەتوۆ پرەزيدەنتتى ەلوردانىڭ 2011 جىلعا ارنالعان الەۋمەتتىك-ەكونوميكالىق دامۋىنىڭ قورىتىندىلارى, الداعى ۋاقىتتا قالاداعى جاڭا نىسانداردى پايدالانۋعا بەرۋ, سونداي-اق قازاقستان رەسپۋبليكاسى تاۋەلسىزدىگىنىڭ 20 جىلدىعىن مەرەكەلەۋگە دايارلىق بارىسى تۋرالى حاباردار ەتتى.
استانا اكىمى مەملەكەت باسشىسىنا ەلوردانىڭ جىلۋ ماۋسىمىنا تولىق دايىندىعى تۋرالى باياندادى.
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ پرەمەر-ءمينيستردىڭ ءبىرىنشى ورىنباسارى ومىرزاق شوكەەۆ پەن اۋىل شارۋاشىلىعى ءمينيسترى اسىلجان مامىتبەكوۆتى قابىلدادى.
كەزدەسۋ بارىسىندا مەملەكەت باسشىسىنا قازاقستاننىڭ اگروونەركاسىپ كەشەنىنىڭ 2011 جىلعا ارنالعان قىزمەتىنىڭ ناتيجەلەرى, جيىن-تەرىن ناۋقانىنىڭ قورىتىندىسى, سونداي-اق اگروونەركاسىپ كەشەنى قىزمەتكەرلەرىنىڭ رەسپۋبليكالىق فورۋمىنا دايارلىق بارىسى تۋرالى باياندالدى.