اۋىلدا مەشىت اشىلدى. اۋىل – قازاقتىڭ التىن بوساعاسى. مۇنداعى قايماعى بۇزىلماعان تىرشىلىك تىزگىنى ءومىر زاڭدىلىعىنا سايكەس ءتىلىمىز بەن ءدىنىمىز, دىلىمىزگە دەگەن ەرەكشە ۇستانىممەن دامىپ كەلەدى.
شەلەك اۋىلى دا وسىنداي ىرگەلى مەكەندەر قاتارىنان سانالادى. حالىق ەگەمەن ەلىمىزدىڭ وركەندەۋىنە وزىندىك ەڭبەكتەرىن ارناپ, قاي سالادا بولسىن قارىمدىلىق تانىتۋدا. كوپتەن كۇتكەن اللانىڭ اق ءۇيىنىڭ قۇرىلىسىنىڭ اياقتالۋى دا جۇرتشىلىق ءۇشىن ۇلكەن قۋانىش بولدى. عيباداتحانانىڭ اشىلۋ سالتاناتىنا ارىسى استانا, بەرىسى تالدىقورعان مەن الماتى شاھارلارىنان قوعام قايراتكەرلەرى, قوعامدىق بىرلەستىكتەر مەن ۇيىم وكىلدەرى قاتىستى. قالتالى ازاماتتاردىڭ دەمەۋشىلىگىمەن ەل يگىلىگىنە اينالعان مەشىتتىڭ كوگىلدىر لەنتاسى قيىلىپ, جينالعاندار يماندىلىق, دوستىق پەن بىرلىك, تاتۋلىق جايىندا كەڭىنەن اڭگىمەلەدى. كوك كۇمبەزى كوككە تىرەلگەن مەشىتتە ارۋاقتارعا باعىشتالىپ, قۇران وقىلدى.
كۇمىسجان بايجان. الماتى وبلىسى.
وبلىس بيۋدجەتى تولىقتى. بيىل باتىس قازاقستان وبلىسىنىڭ بيۋدجەتىندە 11 ميلليارد تەڭگەدەن استام قارجى تاپشىلىعى ورىن الدى. بۇل ماسەلە جونىندە «ەگەمەن قازاقستاندا» وتكەن قاراشا ايىنىڭ باسىندا «بيۋدجەت قورجىنى نەگە بوساڭ» دەگەن ساراپتامالىق تالداۋ ماتەريال جاريالاندى. وتكەن اپتادا وبلىستىق ءماسليحات سەسسياسىندا شىعىندى وتەۋ جانە ايماقتىڭ ەكونوميكالىق-قارجىلىق تۇراقتىلىعىن قامتاماسىز ەتۋ ءۇشىن رەسپۋبليكالىق بيۋدجەتتەن 12 ميلليارد تەڭگەدەن استام ماقساتتى ترانسفەرت بولىنگەنى اتالىپ ءوتتى.
تەمىر قۇسايىن. ورال.
حالىقارالىق جيىن ءوتتى. وبلىس ورتالىعىنداعى مەملەكەتتىك پەداگوگيكالىق ينستيتۋتتا «ۇزدىكسىز ءبىلىم بەرۋدىڭ وزەكتى ماسەلەلەرى» اتتى حالىقارالىق عىلىمي-تاجىريبەلىك كونفەرەنتسيا بولىپ ءوتتى. ءوز ەلىمىزدىڭ, رەسەي جانە وزبەكستان جوعارى وقۋ ورىندارىنىڭ عالىمدارى ۇزدىكسىز ءبىلىم بەرۋ مەن ونى ساباقتاستىرۋدىڭ وزەكتى ماسەلەلەرىن تالقىعا سالدى. وقۋ ورنىنىڭ رەكتورى نۇرعالي ارشابەكوۆتىڭ ايتۋىنشا, ينستيتۋتتا ورتا جانە جوعارى وقۋ ورنىنان كەيىنگى ءبىلىم الۋعا مۇمكىندىك بەرەتىن مەملەكەتتىك ليتسەنزيا بار, بۇل ۇزدىكسىز ءبىلىم بەرۋ قاعيداتى بولىپ تابىلادى. ەل تاۋەلسىزدىگىنىڭ 20 جىلدىعىنا ورايلاستىرىپ وتكىزىلگەن بۇل جيىندا عالىمدار ءوزارا پىكىر الماسىپ, يننوۆاتسيالىق, جاڭاشىل تاجىريبەلەرىمەن ءبولىستى. ال كونفەرەنتسيا قورىتىندىسى بويىنشا ءنوۆوسىبىر, استانا, ەكىباستۇز, بالقاش, پاۆلودار, ماسكەۋ, قوستانايدان كەلگەن عالىمداردىڭ ماقالالارى جيناق بولىپ شىقتى.
فاريدا بىقاي. پاۆلودار.
ساۋاپتى ءىس جاسادى. وڭتۇستىكتىڭ عانا ەمەس, رەسپۋبليكامىزدىڭ ۇرەيىن العان اتىشۋلى ۆيچ وقيعاسىنان كەيىن ەلباسىنىڭ پارمەنىمەن شىمكەنتتە قان ورتالىعى سالىنعان بولاتىن. ءۇش ميلليونعا جۋىق حالقى بار وبلىستا قان تاپشىلىعىنا زارۋلىك ايقىن سەزىلەدى. الايدا, جاماناتتان قورقىپ قالعان الەۋمەت ادام ءومىرىن اراشالاپ قالار ىستەن بوي تارتا بەرەدى. جاقىندا “حالىق بانكىنىڭ” وبلىستاعى فيليالىنىڭ الپىسقا جۋىق قىزمەتكەرى دەنساۋلىق ساقتاۋ مەكەمەسىنە كەلىپ, قان تاپسىردى. قارجىگەرلەر وسىلايشا ازاماتتىق تانىتتى.
باقتيار تايجان. شىمكەنت.
ايت نامازى جاڭا مەشىتتە وقىلدى. بۋراباي اۋدانىنداعى اتامەكەن اۋىلىنىڭ جاماعاتى قۇربان ايتتا ايرىقشا قۋانىشقا بولەنىپ, ايت نامازىن جاڭا مەشىتتە وقىدى. اللا ءۇيىن ءوز قالتاسىنان 9 ميلليون تەڭگە شىعارىپ, وڭىرگە بەلگىلى كاسىپكەر نۇرلان اقىنوۆ سالىپ وتىر. – اۋىلىمىزدا 236 ءۇي بار, – دەدى اتامەكەن اۋىلدىق وكرۋگىنىڭ اكىمى داۋىلباي قاپەزوۆ. مۇنىڭ 53-ىندە قىتاي مەن موڭعوليادان قونىس اۋدارعان اعايىندارىمىز ءتۇتىن تۇتەتىپ وتىر. اۋىلىمىزدا «بۋراباي-2007» جانە «ايدوس» جشس ءوندىرىستى ءىسىن دامىتسا, 30 شارۋا قوجالىعى ەگىننەن بىتىك ءونىم جينادى. استانا – بۋراباي كۇرە جولىنىڭ جانىندا ەڭسەلەنىپ تۇرعان مەشىتىمىز ەل بىرلىگى مەن ىنتىماعىنا قىزمەت ەتەتىنى انىق. جاڭا مەشىتتىڭ اشىلۋ سالتاناتىنا وبلىس اكىمى سەرگەي دياچەنكو قاتىسىپ, جۇرتشىلىقتى قۇربان ايت مەرەكەسىمەن قۇتتىقتادى.
باقبەرگەن امالبەك. اقمولا وبلىسى.
وبلىس اكىمىنىڭ قوعامدىق قابىلداۋى. ءوڭىر باسشىسى بەرگەي رىسقاليەۆتىڭ اي سايىنعى قوعامدىق قابىلداۋىنا تۇرعىندار كوپ جازىلادى. وتكەن اپتاداعى قابىلداۋدا دا سولاي بولدى. قابىلداۋعا كەلۋشىلەردىڭ باسىم بولىگىن, ياعني مۇعالىم مەن دارىگەردى دە, زەينەتكەر مەن جالعىزباستى انانى دا پاتەر الۋ قيىندىعى تولعاندىرادى. سونىمەن بىرگە, بۇل جولى باسپانا ماسەلەسى عانا ەمەس, تۇرعىندار قاجەتتىلىگى ءۇشىن شەشىمىن كۇتكەن تۇيتكىلگە الاڭداۋشىلار دا تابىلدى. سونداي ءبىر ماسەلەنى وبلىستىق اۋرۋحانانىڭ ساناۆياتسيا ءبولىمىن باسقاراتىن بولات بايداۋلەتوۆ كوتەردى. دارىگەردىڭ ايتۋىنشا, الىستاعى اۋىلداردا تىكۇشاق قونۋعا ىڭعايلى الاڭدار سالۋ كەزەك كۇتتىرمەيدى. ول ساعىز, مۇقىر, قۇلسارى, يندەر سەكىلدى تۇرعىندار كوپ شوعىرلانعان اۋىلداردا تۇنگى مەزگىلدە تىكۇشاق قونۋ ءۇشىن كومەسكى جارىق بولعانىن قالايدى.
جولداسبەك شوپەعۇل. اتىراۋ وبلىسى.
ۇدەمەلى دامۋدىڭ ۇدەسىنەن شىعۋدا. وتكەن اپتادا وبلىس اكىمدىگى كاسىپكەرلىك جانە ونەركاسىپ باسقارماسىنىڭ باستىعى ە.دۇكەنباەۆ ءباسپاسوز وكىلدەرىمەن كەزدەسىپ, ەلىمىزدىڭ ۇدەمەلى يندۋستريالىق-يننوۆاتسيالىق دامۋىنىڭ 2010-2014 جىلدارعا ارنالعان باعدارلاماسى شەڭبەرىندە اتقارىلىپ جاتقان جوبالار جايىندا ءباسپاسوز ءماسليحاتىن وتكىزدى. بۇگىندە اتالمىش باعدارلاما بويىنشا وبلىستا جالپى قۇنى 134, 9 ميلليارد تەڭگەنى قۇرايتىن 19 ينۆەستيتسيالىق جوبا جۇزەگە اسىرىلۋدا. سونىڭ ناتيجەسىندە وڭىردە 3900 جۇمىس ورنى اشىلماق. – ينۆەستيتسيالىق جوبالاردى جۇزەگە اسىرۋ باسەكەسىندە ءبىز ەلىمىز بويىنشا الدىڭعى ساپتا كەلەمىز. بۇل – جامبىلدىقتار ءۇشىن ماقتان ەتۋگە بولاتىن ناتيجە. دەگەنمەن, بىتكەن ىسكە ماساتتانباي, ءالى دە بىرقاتار جوبالاردى ىسكە اسىرۋ ويدا بار, – دەدى ەرىك دۇكەنباەۆ. ونىڭ ءبىرى – شۋ اۋدانىنان سالىناتىن حيميالىق پاركتىڭ جوباسى ەكەن. بۇل الىپ كاسىپورىن اشىلعان جاعدايدا اۋدان تۇرعىندارىنىڭ الەۋمەتتىك جاعدايى بۇرىنعىدان دا جاقسارا تۇسپەك.
كوسەمالى ساتتىباي ۇلى. جامبىل وبلىسى.