كەشە «نۇر وتان» حدپ توراعاسىنىڭ ءبىرىنشى ورىنباسارى نۇرلان نىعماتۋلين مەن گەرمانيا فەدەراتيۆتىك رەسپۋبليكاسىنىڭ قازاقستانداعى جاڭا ەلشىسى گيدو حەرتستىڭ كەزدەسۋى بارىسىندا قازاقستان-گەرمانيا ارىپتەستىگىن ودان ءارى نىعايتۋ جانە جانداندىرۋ ماسەلەلەرى تالقىلاندى.
قوس ەلدىڭ جەتەكشى ساياسي كۇشتەرى دە, ياعني «نۇر وتان» پارتياسى مەن گەرمانيانىڭ حريستياندىق دەموكراتيالىق وداعى اراسىندا بەرىك قارىم-قاتىناس ورناعان. پارتياارالىق قاتىناستار تسەنتريستىك دەموكراتيالىق پارتيالار ينتەرناتسيونالى شەڭبەرىندە دە دامىپ كەلەدى. «نۇر وتان» قازاقستاندا تىركەلگەن گەرمانيانىڭ حالىقارالىق ۇيىمدارىمەن دە ءوزارا قارىم-قاتىناس ورناتقان.
نۇرلان نىعماتۋليننىڭ ايتۋىنشا, ەلدىڭ الەمدىك ەليتاعا كىرۋ جولىنداعى نىق ءارى ەكپىندى قادامدارىن قازاقستاندىقتار, ەڭ الدىمەن, ەلباسى, «نۇر وتان» پارتياسىنىڭ توراعاسى نۇرسۇلتان ءابىش ۇلى نازارباەۆتىڭ ەسىمىمەن جانە حالىقارالىق بەدەلىمەن بايلانىستىرادى. قازاقستاننىڭ 20 جىلداعى جەتىستىكتەرىن, پرەزيدەنتتىڭ دەموكراتيالىق جانە باسەكەگە قابىلەتتى مەملەكەت قۇرۋداعى ءرولىن ەۋروپاداعى ءارىپتەستەر دە جوعارى باعالايدى. گفر-ءدىڭ قازاقستانداعى توتەنشە جانە وكىلەتتى ەلشىسى گيدو حەرتستىڭ ايتۋىنشا, 2011 جىل ءبىزدىڭ ەلىمىز ءۇشىن تاريحي ماڭىزى بار كەزەڭ بولىپ تابىلادى. سەبەبى, بيىل ەلىمىز ءوز تاۋەلسىزدىگىنىڭ 20 جىلدىعىن اتاپ وتۋدە.
تاراپتار كەزدەسۋدە ەكى ەلدىڭ ارىپتەستىگى جايلى وي-پىكىرلەرىمەن ءبولىستى.
«ەگەمەن-اقپارات».