كەشە قازاقستان پرەمەر-ءمينيسترى كارىم ءماسىموۆ شانحاي ىنتىماقتاستىق ۇيىمى ۇكىمەت باسشىلارى كەڭەسىنىڭ وتىرىسى اياسىندا قىتاي حالىق رەسپۋبليكاسى مەملەكەتتىك كەڭەسىنىڭ پرەمەرى ۆەن تسزياباومەن كەزدەستى.
كارىم ءماسىموۆ پەن ۆەن تسزياباو ەكىجاقتى قارىم-قاتىناس, شىۇ-نى دامىتۋ جانە ءوزارا مۇددەلى باسقا دا ماسەلەلەر بويىنشا پىكىر الماستى.
كەزدەسۋ بارىسىندا قحر مەمكەڭەسىنىڭ پرەمەرى ۆ.تسزياباو ەل تاۋەلسىزدىگىنىڭ 20 جىلدىعىمەن قۇتتىقتادى.
«جاقىندا ەلدەرىڭىزدە تاۋەلسىزدىكتىڭ 20 جىلدىعى تويلانادى. وسىعان وراي قىتاي ۇكىمەتىنىڭ جانە حالقىنىڭ اتىنان سىزگە جانە دوستاس بارشا قازاقستان حالقىنا جۇرەكجاردى قۇتتىقتاۋىمدى بىلدىرگىم كەلەدى», – دەدى ۆەن تسزياباو.