جاقىندا پارلامەنت ءماجىلىسىنىڭ حالىقارالىق ىستەر, قورعانىس جانە قاۋىپسىزدىك كوميتەتى وڭتۇستىك قازاقستان وبلىسىندا كوشپەلى وتىرىسىن وتكىزدى, دەپ حابارلادى وسى پالاتانىڭ ءباسپاسوز قىزمەتى.
وتىرىس اياسىندا دەپۋتاتتار ۇقك ءشا «وڭتۇستىك» وڭىرلىك باسقارماسىنىڭ بىرقاتار وبەكتىلەرىن ارالاپ, اسكەري بولىمدەرىنىڭ, «جىبەك جولى» كەدەندىك بەكەتىنىڭ قىزمەتتەرىمەن, مەملەكەتتىك شەكارانىڭ ورنالاسۋ بارىسىمەن تانىستى. اسكەري قىزمەتشىلەرمەن كەزدەسۋ بارىسىندا قىزمەت وتكەرۋدىڭ جەكەلەگەن ماسەلەلەرى قارالدى. دەپۋتاتتارعا شەكاراشىلاردىڭ ەپيكيروۆكاسى, قازىرگى زامانعى قارۋ, اسكەري تەحنيكا ۇلگىلەرى, سونداي-اق مەملەكەتتىك شەكارانى قورعاۋدىڭ تەحنيكالىق قۇرالدارى كورسەتىلدى.
اسكەري قىزمەتشىلەردى جانە ولاردىڭ وتباسى مۇشەلەرىن الەۋمەتتىك قورعاۋدىڭ, سونداي-اق قىزمەت وتكەرۋدىڭ الەۋمەتتىك-تۇرمىستىق جاعدايلارىنىڭ دەڭگەيىن زەردەلەۋ ءۇشىن جەكەلەگەن اسكەري بولىمشەلەردىڭ باسشىلىعىمەن, سونىمەن قاتار, ۇقك شەكارا قىزمەتىنىڭ اسكەري قىزمەتشىلەرىمەن جانە ازاماتتىق قىزمەتشىلەرىمەن كەزدەسۋلەر وتكىزىلدى.
سونداي-اق, وڭتۇستىك قازاقستان وبلىسىنىڭ باسشىلىعىمەن ءوڭىردىڭ الەۋمەتتىك-ەكونوميكالىق دامۋى ماسەلەلەرى جايلى كەزدەسۋلەر وتكىزىلدى.
ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ بۇل ساپارى ءتورتىنشى سايلانعان پارلامەنت ءماجىلىسىنىڭ وكىلەتتىكتەرىن ىسكە اسىرۋدىڭ بەسىنشى سەسسياعا ارنالعان نەگىزگى ءىس-شارالار جوسپارىنا سايكەس جۇزەگە اسىرىلدى.